ବିମାନ ବନ୍ଦର ଶୌଚାଳୟରୁ ସୁନା ବିସ୍କୁଟ୍ ଜବତ
ଦିଲ୍ଲୀସ୍ଥିତି ଇନ୍ଦିରା ଗାନ୍ଧୀ ଆନ୍ତର୍ଜାତିକ ବିମାନ ବନ୍ଦରର ଟର୍ମିନାଲ-୨ ଶୌଚାଳୟ ଭିତରୁ ୪ଟି ସୁନା ବିସ୍କୁଟ୍ ଜବତ କରାଯାଇଛି। ଯାହାର ଆନୁମାନିକ ମୂଲ୍ୟ ୨ କୋଟି ଟଙ୍କା। ଅଧିକାରଙ୍କ କହିବା ମୁତାବକ, ଆଇଜି ବିମାନବନ୍ଦର ଟର୍ମିନାଲ ୨ରେ ଏକ ବିମାନର ସଫେଇ କାର୍ଯ୍ୟ କରାଯାଉଥିଲା। ସେତିକିବେଳେ ଶୌଚାଳୟର ସିଙ୍କ ତଳୁ ଏକ ପ୍ୟାକେଟ ଉଦ୍ଧାର ହୋଇଥିଲା। ‘ସିଙ୍କ୍’ ତଳେ ଅଠାପଟିରେ ଲଗାଯାଇଥିବା ଗୋଟାଏ ଧୂସର ପାଉଚ୍ ରହିଥିଲା। ସେଥିରୁ ପ୍ରାୟ ୩୯୬୯ ଗ୍ରାମ୍ ଓଜନର ୪ଟି ଆୟତାକାର ସୁନା ବିସ୍କୁଟ୍ ଉଦ୍ଧାର କରାଯାଇଛି। ଜବତ ସୁନାର ମୂଲ୍ୟ ୧ କୋଟି ୯୫ ଲକ୍ଷ ୭୨ ହଜାର ୪ଶହ ଟଙ୍କା ହେବ ବୋଲି ଜଣାପଡିଛି।
ପୂର୍ବରୁ ଅପରେଶନ ‘ଗୋଲ୍ଡ ରଶ’ ଅଧୀନରେ ଡିଆରଆଇ ପ୍ରାୟ ସାଢେ ୩୩ କୋଟି ଟଙ୍କା ମୂଲ୍ୟର ସୁନା ବିସ୍କୁଟ ଜବତ କରିଛି। ଉତ୍ତର-ପୂର୍ବ ଦେଶରୁ ମୁମ୍ବାଇ-ପାଟନା-ଦିଲ୍ଲୀକୁ ପ୍ରାୟ ୬୫.୪୬ କିଲୋଗ୍ରାମ ସୁନା ସାମଗ୍ରୀ ଚୋରା ଚାଲାଣ କରାଯାଉଥିଲା।
Powered by Froala Editor
