ରାତିରେ ପତ୍ନୀଙ୍କ ସହ ପିଲାଙ୍କୁ ଘରୁ ବାହାର କରିଦେଲେ ନୱାଜୁଦ୍ଦିନ
କିଛି ଦିନ ହେଲା ଅଭିନେତା ନୱାଜୁଦ୍ଦିନ ସିଦ୍ଧିକି ଓ ପତ୍ନୀଙ୍କ ଆଲିୟାଙ୍କ ସମ୍ପର୍କ ତିକ୍ତତା ବିଷୟରେ ଖବର ଘୂରି ବୁଲୁଛି । ପତ୍ନୀ ନୱାଜୁଦ୍ଦିନଙ୍କ ବିରୋଧରେ ଘରୋଇ ହିଂସା ଭଳି ସଙ୍ଗୀନ ମାମଲା ରୁଜୁ କରିଛନ୍ତି । ହେଲେ ଆଜି ସେ ଯାହା କରିଛନ୍ତି ତାହା ସବୁ ସୀମା ପାର କରିଦେଇଛି । ସେ ପିଲାଙ୍କୁ ନେଇ ନୱାଜୁଦ୍ଦିଙ୍କ ଘର ବାହାରେ ଠିଆ ହୋଇଛନ୍ତି । ଆଉ ଅଭିଯୋଗ କରିଛନ୍ତି ଯେ, ନୱାଜୁଦ୍ଦିନ ତାଙ୍କୁ ଓ ତାଙ୍କ ପିଲାଙ୍କୁ ଘରୁ ବାହାର କରିଦେଇଛନ୍ତି । ଆଲିୟା ଇନଷ୍ଟାଗ୍ରାମରେ ଭିଡିଓ ସେୟାର କରିବା ସହ ଏକ ଲମ୍ୱା ପୋଷ୍ଟ ଲେଖିଛନ୍ତି ।
ଭିଡିଓରେ ଆଲିୟା ଦୁଇ ପିଲାଙ୍କ ସହ ଘର ବାହାରେ ନଜର ଆସୁଛନ୍ତି । ପୁଅ-ଝିଅ ଦୁଇ ଜଣ କାନ୍ଦୁଥିବା ନଜର ଆସୁଛନ୍ତି । ଭିଡିଓ ଭାଇରାଲ ହେବା ପରେ ସମସ୍ତେ ନୱାଜୁଦ୍ଦିନଙ୍କୁ ନିନ୍ଦା କରୁଛନ୍ତି । ଆଲିୟା ସେୟାର କରିଥିବା ଭିଡିଓରେ ନିଜର ଦୁଇ ପିଲାଙ୍କ ସହ ରାତି ଅଧରେ ରାସ୍ତାରେ ନଜର ଆସୁଛନ୍ତି । ନିଜେ ନିୱାଜୁଦ୍ଦିନ ସିଦ୍ଦିକି ତାଙ୍କୁ ଘରେ ପ୍ରବେଶ କରିବାକୁ ଦେଉ ନଥିବା ଆଲିୟା ଅଭିଯୋଗ ଆଣିଛନ୍ତି ।
Powered by Froala Editor
