ବଲିଉଡ ଅଭିନେତା ଜାଭେଦ୍ ଖାନ୍ ଅମ୍ରୋହି ଆଉ ନାହାଁନ୍ତି। ୭୦ବର୍ଷ ବୟସରେ ‌ତାଙ୍କର ଦେହାନ୍ତ ହୋଇଛି। ଆଜି ସକାଳେ ସେ ଶେଷ ନିଶ୍ୱାସ ତ୍ୟାଗ କରିଥିବା ଜଣାପଡ଼ିଛି। ସେ କିଛି ଦିନ ହେଲା ଫୁସଫୁସ ଜନିତ ସମସ୍ୟାରେ ପୀଡ଼ିତ ଥିଲେ। ଏହି କାରଣ ପାଇଁ ଆଜି ତାଙ୍କର ପରଲୋକ ଘଟିଛି। ୱାନ୍ସ ଅପନ ଏ ଟାଇମ ଇନ ମୁମ୍ବାଇ, ଚକ ଦେ ଇଣ୍ଡିଆ, ଲଗାନ ଓ ଅନନ୍ଦାଜ ଆପନା ଅପାନା ଭଳି ସୁପର ହିଟ୍‌ ଫିଲ୍ମରେ ଜାଭେଦଙ୍କୁ ଦେଖିବାକୁ ମିଳିଥିଲା। ନିଜର ଅଭିନୟ ଯାଦବୁ ବଳରେ ସେ ସମସ୍ତଙ୍କ ହୃଦୟ ଜିତିବାକୁ ସକ୍ଷମ ହୋଇଥିଲେ।

ଆଜତକ.ଇନକୁ ସାକ୍ଷାତକାର ଦେଇ ଜାଭେଦଙ୍କ ମୃତ୍ୟୁ ଖବରକୁ ନିଶ୍ଚିତ କରିଛନ୍ତି ‘ଲଗାନ’ରେ ତାଙ୍କର ସହ-କଳାକାର ଥିବା ଅଖିଳେନ୍ଦ୍ର ମିଶ୍ରା। ସେ କହିଛନ୍ତି ଯେ ଜାଭେଦଜୀ ଏବଂ ମୁଁ ଇପ୍ଟା (ଇଣ୍ଡିଆନ୍ ପିପୁଲ୍ସ ଥିଏଟର ଆସୋସିଏସନ୍)ର ହ୍ବାଟସଆପ୍ ଗ୍ରୁପରେ ଥିଲୁ। ଏହି ଗ୍ରୁପରୁ ତାଙ୍କର ମୃତ୍ୟୁ ଖବର ମୋତେ ମିଳିଛି। ସେ ତାଙ୍କ ପରିବାର ସହିତ ମୁମ୍ବାଇର କାନ୍ଦିବଲିରେ ରହୁଥିବା ବେଳେ କିଛି ଦିନ ହେଲାଣି ଅସୁସ୍ଥ ଥିଲେ। ଆମେ ଅନେକ ଫିଲ୍ମ ଏକାଠି କରିଛୁ। ଆମେ ଆଇପିଟିଏ ଜରିଆରେ ଅନେକ ଶୋ’ରେ ଭାଗ ନେଇଥିଲୁ। ମୁଁ ତାଙ୍କୁ ବୁଦ୍ଧିର ଷ୍ଟୋର ହାଉସ ବୋଲି କହୁଥିଲି। ହେଲେ ଆଜି ସେ ଆମ ସମସ୍ତଙ୍କୁ ଛାଡ଼ି ଚାଲି ଯାଇଛନ୍ତି।”

Powered by Froala Editor