ଶ୍ରୀଦେବୀଙ୍କ ଜୀବନୀ ଉପରେ ଆସିବ ଫିଲ୍ମ
ଖୁବଶୀଘ୍ର ଅଭିନେତ୍ରୀ ଶ୍ରୀଦେବୀଙ୍କ ଜୀବନୀ ଦେଖିବାକୁ ପାଇବେ ଫ୍ୟାନ୍ସମାନେ । ଶ୍ରୀଦେବୀଙ୍କ ବାୟୋଗ୍ରାଫି ଫିଲ୍ମ 'ଦି ଲାଇଫ୍ ଅଫ୍ ଲିଜେଣ୍ଡ୍' ଆସୁଛି । ଏନେଇ ଘୋଷଣା କରିଛନ୍ତି ନିଜେ ବୋନି କପୁର । ସେ ନିଜେ ତାଙ୍କ ପତ୍ନୀ ଶ୍ରୀଦେବୀଙ୍କ ଜୀବନୀକୁ ନେଇ ଫିଲ୍ମ ତିଆରି କରିଛନ୍ତି । ବାସ୍ତବରେ, ଜଣେ ବୁକ୍ ପବ୍ଲିସର ଶ୍ରୀଦେବୀଙ୍କ ଅଫିସିଆଲ୍ ଜୀବନୀ ଉପରେ କାମ କରୁଛନ୍ତି ।
ବୋନି କପୁର ଏକ ସାକ୍ଷାତକାରରେ କହିଛନ୍ତି ଯେ, 'ଶ୍ରୀଦେବୀ ପ୍ରକୃତରେ ଜଣେ ଶକ୍ତି ଥିଲେ, ସେ ଯେତେବେଳେ ତାଙ୍କ ଫ୍ୟାନ୍ସଙ୍କ ପାଇଁ ନିଜ କଳାକୁ ସେୟାର କରୁଥିଲେ, ସେତେବେଳେ ସେ ବହୁତ ଖୁସି ହେଉଥିଲେ' । ସେ ଆହୁରି ମଧ୍ୟ କହିଛନ୍ତି ଯେ 'ସେ ଜଣେ ନିର୍ଭିକ ବ୍ୟକ୍ତିତ୍ବ ଥିଲେ' । ଏହି ଫିଲ୍ମରେ ଅଭିନେତ୍ରୀଙ୍କ ଜୀବନର ପ୍ରତ୍ୟକଟି ସମୟର ଦୃଶ୍ୟ ଦେଖାଯିବ ।
ଶ୍ରୀଦେବୀ ତାଙ୍କ ୩୦ ବର୍ଷର କ୍ୟାରିଅରରେ ପ୍ରାୟ ୩୦୦ ଫିଲ୍ମରେ କାମ କରିଛନ୍ତି । ଯେଉଁଥିରେ ତାମିଲ, ତେଲୁଗୁ, ମାଲାୟାଲମ୍, କନ୍ନଡ ଏବଂ ହିନ୍ଦୀ ଭାଷାରେ ଫିଲ୍ମ ଅନ୍ତର୍ଭୁକ୍ତ ।
Powered by Froala Editor
