୯୦ ଦଶକର ହଟ୍ ଆଣ୍ଡ ବୋଲ୍ଡ ଅଭିନେତ୍ରୀଙ୍କ ଭିତରେ ଦିନେ ଅମ୍ରିତା ସିଂଙ୍କ ନାଁ ଗଣାଯାଉଥିଲା । ଆଜି ବି ସେ ବେଶ୍ ସକ୍ରିୟ । ତାଙ୍କର ଜନ୍ମଦିନରେ କିଛି ଅଜଣା କଥା ଜାଣିବା । ଅମ୍ରିତାଙ୍କ ବିଷୟରେ ବହୁତ ଲୋକ ଭାବନ୍ତି ସେ ପଟୌଦୀ ପରିବାର ସଦସ୍ୟ ହୋଇବି ବହୁ ଆର୍ôଥକ ସଙ୍କଟର ସାମ୍ନା କରନ୍ତି । କିନ୍ତୁ ଏକଥା ମିଛ । ସେ ତାଙ୍କ ଜୀବନରେ ଏବେବି ସକ୍ରିୟ । ସୈଫ ଅଲ୍ଲୀ ଖାନ୍‌ଙ୍କ ଠାରୁ ଅଲଗା ହେଲେ ବି ସେ ବିଳାସପୂର୍ଣ୍ଣ ଜୀବନଯାପନ ଅତିବାହିତ କରନ୍ତି ।

ଅମ୍ରିତାଙ୍କର ମୋଟ ସମ୍ପତ୍ତି ୧୫ ମିଲିୟନ ଡଲାର। ସେ ମାସକୁ ୨୦ ଲକ୍ଷରୁ ଅଧିକ ରୋଜଗାର କରନ୍ତି। ସେ କେବଳ ଫିଲ୍ମରୁ ରୋଜଗାର କରନ୍ତି ନାହିଁ, ବରଂ ସେ ଟିଭି, ବ୍ରାଣ୍ଡ, ବିଜ୍ଞାପନ ଏବଂ ଅନ୍ୟାନ୍ୟ ଉପାୟରୁ ମଧ୍ୟ ରୋଜଗାର କରନ୍ତି। ଅମ୍ରିତା ମଧ୍ୟ ମୁମ୍ବାଇର ଏକ ବିରାଟ ବଙ୍ଗଳାର ମାଲିକ। ତାଙ୍କ ପାଖରେ ତିନି କୋଟି ମୂଲ୍ୟର ବଙ୍ଗଳା ଏବଂ ଦୁଇ କୋଟି ମୂଲ୍ୟର ଏକ ଫାର୍ମ ହାଉସ ଅଛି। 

୯ ଫେବୃଆରୀ ୧୯୫୮ରେ ଜନ୍ମ ହୋଇଥିବା ଅମ୍ରିତା ସନି ଦେଓଲଙ୍କ ବିପକ୍ଷରେ ଫିଲ୍ମ 'ବେତାବ' ସହିତ ୧୯୮୩ରେ ବଲିଉଡରେ ଡେବ୍ୟୁ କରିଥିଲେ। ସେ ୯୦ ଦଶକର ଜଣେ ଭେଟେରାନ ଅଭିନେତ୍ରୀ ଥିଲେ। ଅମ୍ରିତା ୧୯୯୪ରେ 'ଆଇନା' ପାଇଁ ଫିଲ୍ମଫେୟାର ପୁରସ୍କାର ପାଇଥିଲେ। ଏଥି ସହିତ ଅମ୍ରିତା ଫିଲ୍ମ '୨ ଷ୍ଟେଟ୍‌ସ'ରେ ତାଙ୍କ ଭୂମିକା ପାଇଁ ମଧ୍ୟ ପ୍ରଶଂସିତ ହୋଇଥିଲେ। କିନ୍ତୁ ସୈଫଙ୍କ ସହ ବିବାହ ପରେ ତାଙ୍କ ଜୀବନ ଅଲଗା ମୋଡ ନେଇଥିଲା । ତେବେ ବିବାହର କିଛି ବର୍ଷ ପରେ ଦୁହେଁ ଛାଡପତ୍ର ହୋଇଥିଲେ। ଏହି ଦମ୍ପତିଙ୍କର ଦୁଇଟି ସନ୍ତାନ ଅଛନ୍ତି। ଅମ୍ରିତା ଶେଷ ଥର ପାଇଁ ଅମିତାଭ ବଚ୍ଚନ ଏବଂ ତାପସୀ ପନ୍ନୁ ଷ୍ଟାରର 'ବଦଲା'ରେ ନଜର ଆସିଥିଲେ।

Powered by Froala Editor