ଆଇ ଡ୍ରପ୍ ଯୋଗୁଁ ଚାଲିଗଲା ଦୃଷ୍ଟିଶକ୍ତି, ଆମେରିକା ବନ୍ଦ କଲା ଆମଦାନୀ
ଭାରତର ଚେନ୍ନାଇସ୍ଥିତ ‘ଗ୍ଲୋବାଲ୍ ଫାର୍ମା ହେଲ୍ଥ୍କେୟାର୍ ପ୍ରାଇଭେଟ୍ ଲିମିଟେଡ୍’ କମ୍ପାନିଦ୍ବାରା ଉତ୍ପାଦିତ ‘ଆଇ ଡ୍ରପ୍’ ଯୋଗୁଁ ଆମେରିକାରେ ଜଣକର ମୃତ୍ୟୁ ହେବା ସହିତ ଆଉ ଜଣେ ଦୃଷ୍ଟିଶକ୍ତି ହରାଇଥିବା କଥା ସେଠାକାର ସରକାରୀ କର୍ତ୍ତୃପକ୍ଷ କହିଛନ୍ତି। ଆମେରିକାର ଖାଦ୍ୟ ଏବଂ ଔଷଧ ପ୍ରଶାସନ ମଧ୍ୟ ଏନେଇ ତଦନ୍ତ ଆରମ୍ଭ କରିଛି। ଆମେରିକାର ଏଫଡିଏ ଲୋକମାନଙ୍କୁ ଆଇଡ୍ରପ କିଣିବାକୁ ବାରଣ କରିଛି।
ଚେନ୍ନାଇର ‘ଗ୍ଲୋବାଲ୍ ଫାର୍ମା ହେଲ୍ଥ୍କେୟାର୍ ପ୍ରାଇଭେଟ୍ ଲିମିଟେଡ୍’ କମ୍ପାନିରେ ଗତରାତିରେ ତାମିଲନାଡୁର ଡ୍ରଗ୍ କଣ୍ଟ୍ରୋଲର୍ ଏବଂ ସେଣ୍ଟ୍ରାଲ୍ ଡ୍ରଗ୍ କଣ୍ଟ୍ରୋଲ୍ ଅଥରିଟି’ର ସଦସ୍ୟମାନେ ଖାନ୍ତଲାସ୍ କରିଥିଲେ। କମ୍ପାନୀ ଆମେରିକା ସମେତ ଅନ୍ୟାନ୍ୟ ଦେଶକୁ ଆଇଡ୍ରପ ରପ୍ତାନି କରେ, କିନ୍ତୁ ଏହି ଆଇଡ୍ରପ ଭାରତରେ ବିକ୍ରି ହୁଏ ନାହିଁ । ଆମେରିକା ଗ୍ରାହକ ତଥା ଡାକ୍ତରମାନଙ୍କୁ ଏହି ଆଇଡ୍ରପ ନ ଲେଖିବା ପାଇଁ ନିର୍ଦ୍ଦେଶନାମା ଜାରି କରିଛି ଏବଂ ଆଖିରେ ବ୍ୟାକ୍ଟେରିଆ ସଂକ୍ରମଣ ଯୋଗୁ ଏହାର ବ୍ୟବହାର ଉପରେ ପ୍ରତିବନ୍ଧକ ଲଗାଇଛି। ଗ୍ଲୋବାଲ ଫାର୍ମା କମ୍ପାନୀର ଅନ୍ୟ ଔଷଧ ଆମଦାନୀ ଉପରେ ଆମେରିକା ନିଷେଧ କରିଛି।
Powered by Froala Editor
