କାର୍ରେ ଜଳିଗଲେ ଗର୍ଭବତୀଙ୍କ ସହ ସ୍ୱାମୀ
କେରଳର କନ୍ନୁରରେ ହୃଦୟବିଦାରକ ଦୁର୍ଘଟଣା ଘଟିଛି। କାର୍ ସହିତ ଗର୍ଭବତୀ ମହିଳା ଓ ତାଙ୍କ ସ୍ବାମୀ ଜୀବନ୍ତ ଜଳିଯାଇଛନ୍ତି। ମୃତ ଗର୍ଭବତୀ ମହିଳା ରୀଶା (୨୬) ଓ ସ୍ବାମୀ ପ୍ରିଜିଥ (୩୫)ଙ୍କ ଘର କୁୁଟ୍ଟିଆଟ୍ଟୁରରେ।
ସୂଚନାଯୋଗ୍ୟ, ରୀଶାଙ୍କୁ ପ୍ରସବ ପୀଡ଼ା ହେବାରୁ ତାଙ୍କ ସ୍ବାମୀ ଏକ କାର୍ରେ ତାଙ୍କୁ ହସ୍ପିଟାଲକୁ ନେଇଯାଉଥିଲେ। ସ୍ୱାମୀ ଓ ସ୍ତ୍ରୀ କାରର ଆଗ ସିଟ୍ରେ ବସିଥିବା ବେଳେ ପଛ ସିଟ୍ରେ ଜଣେ ଶିଶୁ ସମେତ ୪ ଜଣ ବସିଥିଲେ। ହେଲେ ହସ୍ପିଟାଲ ପହଞ୍ଚିବା ପୂର୍ବରୁ ହଠାତ୍ କାରରେ ନିଆଁ ଲାଗିଯାଇଥିଲା। କାର୍ରେ ନିଆଁ ଲାଗିବା ମାତ୍ରେ ପଛ ସିଟ୍ରେ ବସିଥିବା ଜଣେ ଶିଶୁ ସମେତ ୪ ଜଣ ଗାଡ଼ିରୁ ଓହ୍ଲାଇ ପଡ଼ିଥିବା ବେଳେ ଦମ୍ପତି କାର୍ରୁ ବାହାରି ପାରି ନ ଥିଲେ। ଦମ୍ପତି କବାଟ ଖୋଲି ପାରି ନଥିଲେ ଏବଂ କାରରେ ନିଆଁ ଲାଗିବା ପରେ କାର ଭିତରେ ଫସି ଯାଇଥିଲେ। ସୂଚନା ପାଇ ଦମକଳ ବାହିନୀ ସେଠାରେ ପହଞ୍ଚି ନିଆଁକୁ ଆୟତ୍ତ କରିଥିଲା। ଦମ୍ପତ୍ତିଙ୍କୁ ଉଦ୍ଧାର କରି ଡାକ୍ତରଖାନା ନେବା ବେଳକୁ ସେମାନଙ୍କର ମୃତ୍ୟୁ ଘଟିଥିଲା।
ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ କାରଟି ଜଳୁଥିବା ବେଳେ କିଛି ଲୋକଙ୍କ ଚିତ୍କାର ଶୁଣିବାକୁ ମିଳିଥିଲା। ପରେ ସ୍ଥାନୀୟ ଲୋକମାନେ କାର ଆଡକୁ ଦୌଡିଥିଲେ। କିନ୍ତୁ କାଳେ କାର ବିସ୍ଫୋରଣ ହେବ ସେଇ ଭୟରେ ପଛଘୁଞ୍ଚା ଦେଉଥିଲେ। ସେହି ସମୟରେ ଆମେ ସମ୍ପୂର୍ଣ୍ଣ ଅସହାୟ ଥିଲୁ। କାରଣ କାରର ସମ୍ମୁଖ ପାର୍ଶ୍ୱ ନିଆଁରେ ଜଳି ଯାଇଥିଲା। ଆମେ ସେମାନଙ୍କୁ ବଞ୍ଚାଇବା ପାଇଁ ଅଧିକ କିଛି କରିପାରିଲୁ ନାହିଁ ।
Powered by Froala Editor
