ବକ୍ସ ଅଫିସ୍ରେ ରାଜ କରୁଛି ‘ପଠାନ୍’, ପ୍ରଥମ ଦିନରେ କେତେ ରୋଜଗାର କଲା ଜାଣନ୍ତୁ
ମୁମ୍ବାଇ; ବହୁ ବାଦବିବାଦ ପରେ ପରଦାକୁ ଆସିଛି ବଲିଉଡ୍ ଫିଲ୍ମ ପଠାନ୍ । ବୁଧବାର ଏହାକୁ ରିଲିଜ୍ କରାଯାଇଛି । ଆଉ ଏହା ହଲ୍କୁ ଆସିବା ପରେ ଏବେ ବକ୍ସ ଅଫିସରେ ରାଜ କରୁଛି । ବୁଧବାର କୌଣସି ଛୁଟିଦିନ ନଥାଇ ମଧ୍ୟ ଏହା ଭଲ ରୋଜଗାର କରିଛି । ପ୍ରଥମ ଦିନରେ ୫୫ କୋଟି କମାଇଛି । ଯାହାକି ରେକର୍ଡ ସୃଷ୍ଟି କରିଛି ବୋଲି କୁହାଯାଉଛି । ଏହା କେଜିଏଫ୍-୨ ଫିଲ୍ମର ରେକର୍ଡ ଭାଙ୍ଗିଛି ବୋଲି ଚର୍ଚ୍ଚା ହେଉଛି । ଆଗାମୀ ଦିନରେ ଏହା ନିଶ୍ଚିତ ଭାବେ ଭଲ ରୋଜଗାର କରିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଆଶା କରାଯାଉଛି ।
ୟଶ ରାଜ ବ୍ୟାନରରେ ନିର୍ମିତ ଏହି ଫିଲ୍ମରେ ଶାହାରୁଖ ଖାନଙ୍କ ଜବରଦସ୍ତ ଆକ୍ସନକୁ ଦର୍ଶକ ବେଶ୍ ପସନ୍ଦ କରିଛନ୍ତି । ଏଥିସହିତ ଜନ୍ ଆବ୍ରାହମ୍ଙ୍କ ଅଭିନୟକୁ ବହୁତ ପ୍ରଶଂସା କରାଯାଉଛି । ଫିଲ୍ମ ପାଇଁ କାଷ୍ଟ୍ମାନେ କଠିନ ପରିଶ୍ରମ କରିଛନ୍ତି । ଯାହା ପରଦାରେ ସ୍ପଷ୍ଟ ଦେଖାଯାଉଛି । ଏହି ଫିଲ୍ମ ମାଧ୍ୟମରେ ପ୍ରାୟ ୪ ବର୍ଷ ପରେ ଶାହାରୁଖ ପରଦାକୁ ଫେରିଛନ୍ତି । ତାଙ୍କର ଶେଷ ଚଳଚ୍ଚିତ୍ର ଥିଲା ଜିରୋ, ଯାହା ୨୦୧୮ରେ ମୁକ୍ତିଲାଭ କରିଥିଲା । ଫିଲ୍ମରେ ଜନ୍ ଆବ୍ରାହମ୍ଙ୍କୁ ନକାରାତ୍ମକ ଚରିତ୍ରରେ ଅଭିନୟ କରିଛନ୍ତି । ଦୀପିକା ଲିଡ୍ ରୋଲରେ ନଜର ଆସିଛନ୍ତି । ଫିଲ୍ମର ଗୀତ 'ବେସରମ ରଙ୍ଗ' ସହିତ ପରଦାରେ ନିଆଁ ଲଗାଇ ଦେଇଛନ୍ତି ।
Powered by Froala Editor
