ଓସ୍କାର ନୋମିନେସନ୍ରେ ‘ନାଟୁ ନାଟୁ’
ଏସ ଏସ ରାଜମୌଲିଙ୍କ ନିର୍ଦ୍ଦେଶିତ ଫିଲ୍ମ RRRର ଗୀତ `ନାଟୁ ନାଟୁ' ବେଷ୍ଟ ଅରିଜିନାଲ ଗୀତ କାଟାଗୋରୀରେ ମନୋନୀତ ହୋଇଛି । ସେହିପରି ବେଷ୍ଟ ଡକ୍ୟୁମେଣ୍ଟାରୀ ସର୍ଟ ଫିଚର ଫିଲ୍ମ ତାଲିକାରେ 'ଦ ଏଲିଫେଣ୍ଟ ହୁଇସ୍ପର୍ସ' ମନୋନୀତ ହୋଇଛି ।
ବିଶ୍ବ ଚଳଚ୍ଚିତ୍ର ଜଗତର ସବୁଠାରୁ ମର୍ଯ୍ୟାଦାଜନକ ପୁରସ୍କାର ୯୫ ତମ ଏକାଡେମୀ ପୁରସ୍କାର ବା ଓସ୍କାର ପୁରସ୍କାର ପାଇଁ ୩ଟି ଭାରତୀୟ ଚଳଚ୍ଚିତ୍ର ଓ ଡକ୍ୟୁମେଣ୍ଟାରିକୁ ମନୋନୟନ ମିଳିଛି । ମନୋନୟନ ପାଇଥିବା ଚଳଚ୍ଚିତ୍ର ହେଲେ ଏସଏସ ରାଜମୌଲୀଙ୍କ ଚଳଚ୍ଚିତ୍ର ଆରଆରଆର୍, ଡକ୍ୟୁମେଣ୍ଟାରି ଚଳଚ୍ଚିତ୍ର ଅଲ ଦାଟ୍ ବ୍ରେଦସ ଓ କ୍ଷୁଦ୍ର ଡକ୍ୟୁମେଣ୍ଟାରୀ ଚଳଚ୍ଚିତ୍ର ଦି ଏଲିଫାଣ୍ଟ ହ୍ବିସ୍ପର୍ସ । ତେବେ ଭାରତରୁ ପଠାଯାଇଥିବା ଅଫିସିଆଲ ଚଳଚ୍ଚିତ୍ର ଛେଲୋ ସୋ ( ଦି ଲାଷ୍ଟ ଫିଲ୍ମ ସୋ)କୁ କୌଣସି ନୋମିନେସନ ମିଳିନାହିଁ ।
ନିକଟରେ ଏସଏସ ରାଜମୌଲିଙ୍କ ଫିଲ୍ମ ଆରଆରଆର୍ ର ଗୀତ ନାଟୁ ନାଟୁକୁ ବେଷ୍ଟ ଅରିଜିନାଲ ସଙ୍ଗ କାଟେଗୋରୀରେ ମଧ୍ୟ ମନୋନୀତ କରାଯାଇଥିଲା । ଓସ୍କାର ଆୱାର୍ଡସ ୨୦୨୩ ନୋମିନେସନ୍ସ, ବବର୍ଲି ହିଲ୍ସ, କାଲିଫୋର୍ଣ୍ଣିଆରେ ଆୟୋଜିତ ହୋଇଥିଲା । ଏହାର ନୋମିନେସନ୍ସ ହୋଷ୍ଟ ରିଜ୍ ଅହମଦ ଏବଂ ଅଭିନେତ୍ରୀ ଏଲିସନ ୱିଲିୟମ୍ସ କରିଛନ୍ତି ।
Powered by Froala Editor
