ରାଜପଥରେ ରିଲ୍ : ଯୁବତୀଙ୍କ ନାଁରେ କଟିଲା ୧୭ ହଜାର ଟଙ୍କାର ଫାଇନ୍
![ରାଜପଥରେ ରିଲ୍ : ଯୁବତୀଙ୍କ ନାଁରେ କଟିଲା ୧୭ ହଜାର ଟଙ୍କାର ଫାଇନ୍](https://odishanewslens.com/news_gallery/19129_1674496183.jpg)
ରିଲ ନିଶା ଜଣେ ଯୁବତୀଙ୍କୁ ମହଙ୍ଗା ପଡ଼ିଛି। ସେ ରାସ୍ତା ମଝିରେ କାର୍ ରଖି ରିଲ ଶୁଟ କରିବାରୁ ତାଙ୍କ ନାଁରେ କଟିଛି ୧୭ ହଜାର ଟଙ୍କାର ଫାଇନ ପଡ଼ିଛି।
ଉତ୍ତର ପ୍ରଦେଶର ଗାଜିଆବାଦରୁ ଏପରି ଘଟଣା ଘଟିଛି। ଇନଷ୍ଟାଗ୍ରାମରେ ୬,୫୨,୦୦୦ ଫଲୋୱର୍ସ ଥିବା ବୈଶାଳୀ ଚୌଧୁରୀ ଖୁଟେଲ ନାମକ ଏହି ଇନଫ୍ଲୁଏନସର ତାଙ୍କ କାରକୁ ଏକ ରାଜପଥରେ ଅଟକାଇ ରିଲ୍ସ ଭିଡିଓ ତିଆରି କରିଥିଲେ। ଏହି ଭିଡିଓରେ ବୈଶାଳୀ ଜାତୀୟ ରାଜପଥରେ ନିଜ କାର୍କୁ ଛିଡ଼ା କରିବା ସହ ଗାଡ଼ି ସାମ୍ନାରେ ଚାଲିଚାଲି ବିଭିନ୍ନ ପୋଜ ଦେଉଛନ୍ତି। ଏହି ସମୟରେ ରାସ୍ତାରେ ଅନେକ ଲୋକ ଯିବା ଆସିବା କରୁଥିବା ମଧ୍ୟ ଭିଡିଓରେ ଦେଖିବାକୁ ମିଳିଛି।
ଭିଡିଓ ଭାଇରାଲ ହେବା ପରେ ଗାଜିଆବାଦ ଟ୍ରାଫିକ ପୁଲିସ ଟ୍ୱିଟରକୁ ଯାଇ ଟ୍ରାଫିକ ନିୟମ ଉଲ୍ଲଂଘନ କରିଥିବାରୁ ଗାଡି ମାଲିକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା କହିଛି। ଏହା ସହ ଇନଷ୍ଟାଗ୍ରାମ ଇନଫ୍ଲୁଏନ୍ସରଙ୍କ ଉପରେ ୧୭,୦୦୦ଟଙ୍କାର ଜରିମାନା ଲଗାଯାଇଥିବା କହିଛି ପୁଲିସ।
Powered by Froala Editor