ପାକିସ୍ତାନୀ ଯୁବତୀଙ୍କୁ ବିବାହ କରି ଗିରଫ ହେଲେ ମୁଲାୟମ ସିଂହ ଯାଦବ
କାଗଜପତ୍ର ଜାଲିଆତି କରି ବେଙ୍ଗାଲୁରୁରେ ବାସ କରୁଥିବା ଇକ୍ରା ଜୀୱାନି ନାମରେ ଜଣେ ୧୯ ବର୍ଷୀୟ ପାକିସ୍ତାନୀ ଯୁବତୀଙ୍କୁ ପୁଲିସ ଗରିଫ କରିଛି। ଯୁବତୀ ଜଣକ ୟୁପିର ଜଣେ ୨୫ ବର୍ଷୀୟ ଯୁବକଙ୍କୁ ମଧ୍ୟ ବିବାହ କରିଛନ୍ତି। ଯୁବକଙ୍କୁ ମଧ୍ୟ ଗିରଫ କରାଯାଇଛି।
ଯୁବତୀଙ୍କ ଘର ହେଉଛି ପାକିସ୍ତାନର ହାଇଦ୍ରାବାଦର ସିନ୍ଧ ପ୍ରଦେଶର। ଉଭୟ ଗେମିଂ ଆପ୍ରେ ପରିଚିତ ହୋଇଥିଲେ। ପରେ ବିବାହ କରିବାକୁ ନିଷ୍ପତ୍ତି ନେଇଥିଲେ। ଯୁବତୀ ଜଣକ ବିବାହ କରିଥିବା ଯୁବକ ଜଣକ ହେଉଛନ୍ତି ୨୫ ବର୍ଷୀୟ ମୁଲାୟମ ସିଂହ ଯାଦବ। ଶ୍ରୀ ଯାଦବ ବେଙ୍ଗାଲୁରୁରେ ଏକ ପ୍ରାଇଭେଟ କମ୍ପାନୀରେ ସୁରକ୍ଷା କର୍ମୀ ଭାବେ କାମ କରନ୍ତି।
ତେବେ ଯୁବତୀ ଜଣଙ୍କୁ ସେ ୨୦୨୨ ସେପ୍ଟମ୍ବରରେ ନେପାଳର କାଠମାଣ୍ଡୁ ଦେଇ ଆଣିଥିଲେ। ଉଭୟେ ବେଙ୍ଗାଲୁରୁର ବେଲାନ୍ଦୁର ପୁଲିସ ଷ୍ଟେସନ ଅଧୀନ ଏକ ଲେବର କ୍ୱାର୍ଟରରେ ରହୁଥିଲେ। ଏବେ ଯୁବତୀ ଜଣଙ୍କୁ ଗିରଫ ପରେ ତାଙ୍କୁ ବିଦେଶୀ ପଞ୍ଜିକରଣ କାର୍ଯ୍ୟାଳୟକୁ ପଠାଯାଇଛି। ସେହିପରି ଏହି ଘଟଣାରେ ତାଙ୍କ ସ୍ୱାମୀଙ୍କ ବିରୋଧରେ ଏକ ମାମଲା ମଧ୍ୟ ରୁଜୁ କରାଯାଇଛି।
Powered by Froala Editor
