ବାଇକ ଆରୋହୀଙ୍କୁ ଧକ୍କା ଦେଲା ବୋଲେରୋ
ସମ୍ବଲପୁର : ବୋଲେରୋ ଧକ୍କାରେ ବାଇକ ଆରୋହୀ ମୃତ । ସମ୍ବଲପୁର ଧନୁପାଲି ମହାବୀରପଡା ନିକଟରେ ଘଟିଛି ଦୁର୍ଘଟଣା । ମୃତକ ଭତରା ଅଞ୍ଚଳର ରଞ୍ଜିତ ମହାପାତ୍ର ବୋଲି ଜଣାପଡିଛି । ଶୁକ୍ରବାର ବିଳମ୍ବିତ ରାତିରେ ମୃତକ ରଞ୍ଜିତ ବାଇକ୍ ଯୋଗେ ନିଜ ଘରକୁ ଫେରୁଥିଲେ । ଏହି ସମୟରେ ବୋଲେରୋଟି ଭୁବନେଶ୍ୱରୁ ସମ୍ବଲପୁର ଆସୁଥିଲା । ଏହି ସମୟରେ ଧନୁପାଲି ମହାବୀରପଡ଼ା ନିକଟରେ ବାଇକ ଆରୋହୀଙ୍କୁ ଧକ୍କା ଦେଇଥିଲା ବୋଲେରୋ । ଯାହାଫଳରେ ଜଣେ ବାଇକ ଆରୋହୀଙ୍କର ମୃତ୍ୟୁ ହୋଇଛି । ତେବେ ଦୁର୍ଘଟଣା ଘଟାଇଥିବା ବୋଲୋରୋଟି ଆରଡିସିଙ୍କ ସେକ୍ରେଟାରୀଙ୍କର ବୋଲି ଜଣାପଡିଛି । ରଞ୍ଜିତଙ୍କୁ ଧକ୍କା ଦେବା ପରେ ବୋଲେରୋଟି ନିକଟରେ ଥିବା ଏକ ଟିଫିନ ଷ୍ଟଲକୁ ମଧ୍ୟ ଧକ୍କା ଦେଇଥିଲା ।
Powered by Froala Editor
