ମାର୍ଚ୍ଚ ୧୭ରେ ପରଦାକୁ ଆସିବ 'ଜ୍ୱିଗାଟୋ'
ଅନ୍ତର୍ଜାତୀୟ ସ୍ତରରେପ୍ରସଂଶିତ ହେବା ପରେ ଏବେ ଭାରତରେ ରିଲିଜ ହେବାକୁ ଯାଉଛି 'ଜ୍ୱିଗାଟୋ'। ଆସନ୍ତା ମାର୍ଚ୍ଚ ମାସ ୧୭ ତାରିଖରେ ସାରା ଦେଶରେ ଏହି ଚଳଚ୍ଚିତ୍ରଟି ରିଲିଜ ହେବ । ନିଜେ କପିଲ୍ ଶର୍ମା ଇନଷ୍ଟାଗ୍ରାମରେ ଏହାର ଏକ ଭିଡିଓ ଅପଲୋଡ କରିବା ସହ ଏହା ୧୭ ମାର୍ଚ୍ଚରେ ରିଲିଜ ହେବ ବୋଲି ଲେଖିଛନ୍ତି ।
ସୂଚନାଯୋଗ୍ୟ, ନନ୍ଦିତା ଦାସଙ୍କ ଦ୍ୱାରା ନିର୍ଦ୍ଦେଶିତ ଓ ଅପ୍ଲାଁଜ ଏଣ୍ଟରଟେନମେଣ୍ଟ ଦ୍ୱାରା ନିର୍ମିତ ଫିଲ୍ମକୁ ନିକଟରେ ଟରଂଣ୍ଟୋ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲରେ ସାମିଲ କରାଯାଇଥିଲା । ଫିଲ୍ମର ରିଲିଜ୍ ଡେଟ୍ ଆଉଟ ହୋଇଛି ।
ଜଣେ ଫୁଡ ଡେଲିଭରୀ ବୟର କାହାଣୀ ହେଉଛି 'ଜ୍ୱିଗାଟୋ' । କପିଲ ଶର୍ମା ଏହି ଚରିତ୍ରରେ ଅଭିନୟ କରୁଛନ୍ତି । ଓଡ଼ିଶା ପାଇଁ ଏହି ଚଳଚ୍ଚିତ୍ରର ଗୁରୁତ୍ବ ଅଧିକ । କାରଣ ଏହା ଭୁବନେଶ୍ବରରେ ସୁଟିଂ ହୋଇଛି ଓ ଏହାର ନିର୍ଦ୍ଦେଶନା ଦେଇଛନ୍ତି ଓଡ଼ିଆ ଝିଅ ନନ୍ଦିତା ଦାସ । ଚଳଚ୍ଚିତ୍ରରେ ଭୁବନେଶ୍ବରର ରାସ୍ତାଘାଟ, ଫ୍ଲାଏଓଭର, ବଜାର, ଲିଙ୍ଗରାଜ ମନ୍ଦିର, ବିନ୍ଦୁ ସାଗର ଆଦି ଅନେକ ପରିଚିତ ସ୍ଥାନ ଦେଖିବାକୁ ମିଳିବ ।
Powered by Froala Editor
