ଭୁବନେଶ୍ଵରରେ ପହଞ୍ଚିଛି ବିଜୁ ବାବୁ ଙ୍କ ଐତିହାସିକ ଡାକୋଟା ବିମାନ । ଏହି ସୁବର୍ଣ୍ଣ ମୁହୂର୍ତ୍ତରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ବିମାନ ବନ୍ଦର ଠାରେ ବିମାନ ଉପରେ ପୁଷ୍ପ ବୃଷ୍ଟି କରି ସ୍ବାଗତ କରିଛନ୍ତି।

ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ ବିଜୁ ବାବୁଙ୍କ ଐତିହାସିକ ଡାକୋଟା ବିମାନ ଆଜି ଭୁବନେଶ୍ଵରରେ ପହଞ୍ଚି ଥିବାରୁ ସେ ବହୁତ ଖୁସି। ଏହି ବିମାନରେ ବିଜୁ ବାବୁ ଅନେକ ସାହସିକ କାର୍ଯ୍ଯ କରିଛନ୍ତି। ଏହା ମଧ୍ୟରେ ସବୁଠାରୁ ଶ୍ରେଷ୍ଠ ହେଉଛି ଇଣ୍ଡୋନେସିଆର ସ୍ଵାଧୀନତା ସଂଗ୍ରାମୀ ମାନଙ୍କୁ ଡଚ୍ ମାନଙ୍କ କବଜାରୁ ମୁକ୍ତ କରିବାରେ ଅପାର ସଫଳତା। ସେଥିରେ ବିଜୁ ବାବୁଙ୍କ ସହିତ କେବଳ ଜଣେ ସହ ପାଇଲଟ୍ ଥିଲେ, ସେ ହେଉଛନ୍ତି 'ମୋ ମା' ଜ୍ଞାନ୍  ପଟ୍ଟନାୟକ। 

ମୁଖ୍ୟମନ୍ତ୍ରୀ ଙ୍କ  ସହିତ  ମୁଖ୍ୟମନ୍ତ୍ରୀଙ୍କ  ସଚିବ 5T ଶ୍ରୀ  ଭି  କେ  ପାଣ୍ଡିଆନ୍   ବିମାନ୍  ବନ୍ଦର କୁ  ଯାଇଥିଲେ. 

ଏହି  ସ୍ୱାଗତ୍  ସମାରୋହରେ  ମନ୍ତ୍ରୀ  ଅଶୋକ  ପଣ୍ଡା.  ବିଧାୟକ   ଶ୍ରୀ  ପ୍ରଣବ  ପ୍ରକାଶ  ଦାସ, ଅନନ୍ତ ନାରାୟଣ  ଜେନା  ,ସୁଶାନ୍ତ  ରାଉତ ମେୟର ସୁଲୋଚନା  ଦାସ, ବାଣିଜ୍ଯ ଓ  ପରିବହନ ବିଭାଗର  ପ୍ରମୁଖ  ସଚିବ  ଶ୍ରୀମତୀ  ଉଷା  ପାଢୀ,  IT ବିଭାଗ ର  ପ୍ରମୁଖ  ସଚିବ   ଶ୍ରୀ ମନୋଜ  ମିଶ୍ର ଙ୍କ ସମେତ  ବହୁ  ବିଶିଷ୍ଟ  ବ୍ୟକ୍ତି  ଉପସ୍ଥିତ  ଥିଲେ .

Powered by Froala Editor