ବିମାନ ଦୁର୍ଘଟଣାରେ ଲୋକଗାୟିକାଙ୍କ ମୃତ୍ୟୁ, ବାତିଲ ହେଲା କାର୍ଯ୍ୟକ୍ରମ
ନେପାଳରେ ହୋଇଥିବା ବିମାନ ଦୁର୍ଘଟଣାରେ ୭୨ ଜଣଙ୍କ ମୃତ୍ୟୁ ହୋଇଥିବା କୁହାଯାଉଥିବା ବେଳେ ଏବେ ପର୍ଯ୍ୟନ୍ତ ୬୮ ଜଣଙ୍କ ମୃତଦେହ ଉଦ୍ଧାର କରାଯାଇଛି । ଦୁର୍ଘଟଣାରେ ନେପାଳର ନାମୀ ଲୋକ ଗାୟିକା ନିରା ଛନ୍ତୟାଲଙ୍କର ବି ମୃତ୍ୟୁ ହୋଇଛି । ଏ ଖବର ତାଙ୍କ ଭଉଣୀ ହୀରା ଛନ୍ତୟାଲ ଶେରଚନ ଦେଇଛନ୍ତି ।
ହୀରା ସୂଚନା ଦେଇଛନ୍ତି କି, ଗାୟିକା ନୀରା ପୋଖରାରେ ନେପାଳ ଚଂଟୟାଲ ୟୁଥ ଆସୋସିଏଶନର ଏକ କାର୍ଯ୍ୟକ୍ରମରେ ଯୋଗ ଦେବାକୁ ଯାଉଥିଲେ । ସେଠାରେ ସେ ଏକ ମ୍ୟୁଜିକ ଶୋ କରିଥାଆନ୍ତେ । ଏହି ଦୁର୍ଘଟଣାର ଗୋଟିଏ ଦିନ ପୂର୍ବରୁ ନୀରା ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କୁ ମକର ସଂକ୍ରାନ୍ତିର ଶୁଭେଚ୍ଛା ଜଣାଇଥିଲେ । ଆଉ କହିଥିଲେ ସେ ମକର ସଂକ୍ରାନ୍ତିରେ ପୋଖରାରେ ଥିବେ । କିନ୍ତୁ ତା ପୂର୍ବରୁ ନୀରାଙ୍କ ପରଲୋକ ହୋଇଛି । ଏ ଖବର ପରେ କାର୍ଯ୍ୟକ୍ରମକୁ ରଦ୍ଦ କରି ଦିଆଯାଇଛି ।
Powered by Froala Editor
