୨୪ରେ ଦିଲ୍ଲୀ ମୁନିସ୍ପାଲ୍ କର୍ପୋରେସନ୍ ମେୟର୍ ନିର୍ବାଚନ
ଉପରାଜ୍ୟପାଳ ଭି. କେ. ସାକ୍ସେନା ସମ୍ମତି ଦେବା ପରେ ଜାନୁଆରି ୨୪ ତାରିଖ ଦିନ ‘ଦିଲ୍ଲୀ ମୁନିସ୍ପାଲ୍ କର୍ପୋରେସନ୍’ର ମେୟର୍ ନିର୍ବାଚନ ଅନୁଷ୍ଠିତ ହେବ । ଜାନୁଆରି ୨୪ ତାରିଖ ମଙ୍ଗଳବାର ଦିନ ପ୍ରଥମେ ନବ ନିର୍ବାଚିତ କର୍ପୋରେଟରମାନେ ଶପଥ ଗ୍ରହଣ କରିବେ। ଏହାପରେ ମେୟର୍ , ଡେପୁଟି ମେୟର୍ ଏବଂ ଷ୍ଟାଣ୍ଡିଙ୍ଗ୍ କମିଟିର ୬ଜଣ ସଦସ୍ୟଙ୍କ ନିର୍ବାଚନ ଅନୁଷ୍ଠିତ ହେବ।
ପୂର୍ବଥର ନବ ନିର୍ବାଚନ କର୍ପୋରେଟରଙ୍କ ବୈଠକ ବେଳେ ବେଶ ହଙ୍ଗାମା ହୋଇଥିଲା। ଏଥିପାଇଁ ମେୟର ନିର୍ବାଚନକୁ ଜାନୁଆରୀ ୩୦କୁ ଘୁଞ୍ଚାଇ ଦିଆଯାଇଥିଲା। କିନ୍ତୁ ଏବେ ଉପ ରାଜ୍ୟପାଳ ୨୪ ଜାନୁଆରୀରେ ବୈଠକ ଡାକିବା ସହ ମେୟର ନିର୍ବାଚନ ପାଇଁ ଦିନ ଧାର୍ଯ୍ୟ କରିଛନ୍ତି।
ଏମସିଡିର ଆସନ ସଂଖ୍ୟା ୨୫୦। ବିଜେପିର ୭ ଲୋକସଭା ସାଂସଦ, ଆପ୍ର ୩ ଜଣ ରାଜ୍ୟ ସଭା ସାଂସଦ ଓ ଦିଲ୍ଲୀ ବିଧାନସଭା ବାଚସ୍ପତିଙ୍କ ଦ୍ୱାରା ମନୋନୀତ ୧୪ ଜଣ ବିଧାୟକ ମିଳିତ ଭାବେ ମେୟର ଓ ଡେପୁରି ମେୟର ନିର୍ବାଚନରେ ଅଂଶଗ୍ରହଣ କରିବେ। ଦିଲ୍ଲୀ ବିଧାନସଭାର ବାଚସ୍ପତି ଆପ୍ରୁ ୧୩ ଜଣ ଓ ବିଜେପିର ଜଣେ ବିଧାୟକଙ୍କୁ ମନୋନୀତ କରିଛନ୍ତି।
Powered by Froala Editor