୧୮ ଲକ୍ଷ ଖର୍ଚ୍ଚ କରି ବିଲୁଆ ହୋଇଗଲେ ଏହି ବ୍ୟକ୍ତି
ପିଲାଦିନେ ମୋଗଲିକୁ କିଏ ଭଲ ନପାଏ । ମୋଗଲି ଏମିତି ଏକ ଚରିତ୍ର ଯିଏକି ମଣିଷ ହୋଇ ବି ପଶୁ ମାନଙ୍କ ମଧ୍ୟରେ ବଡ ହୋଇଥିଲା । ଏକ ବିଲୁଆ ଦମ୍ପତି ତାକୁ ପାଳନ କରୁଥିବାବେଳେ ଧୀରେ ଧୀରେ ମୋଗଲିର ବି ଚଳଣି ପୂରା ବିଲୁଆଙ୍କ ଭଳି ଥିଲା । ସେ ବିଲୁଆଙ୍କ ଭଳି ଭୁକୁଥିଲା । ହାତରେ ଚାଲୁଥିଲା । କଞ୍ଚା ମାଂସ ଖାଉଥିଲା । ସେ ମଣିଷମାନଙ୍କ ଦୁନିଆ ବିଷୟରେ କିଛି ଜାଣିନଥିଲା । ଟିଭିରେ ମୋଗଲିର ଚରିତ୍ର ଆମକୁ ବହୁତ ଭଲ ଲାଗୁଥିଲା । ହେଲେ ବାସ୍ତବରେ ଜଣେ ମଣିଷ ଯଦି ବିଲୁଆ ହେବାକୁ କହେ? ହଁ ଆଶ୍ଚର୍ଯ୍ୟ ଲାଗୁଛି ନା । କିନ୍ତୁ ଏ କଥା ସତ ଯେ, ଜଣେ ମଣିଷ ନିଜକୁ ପୂରାପୂରି ବିଲୁଆ ଭଳି କରିଦେଇଛି । ବ୍ୟକ୍ତି ଜଣକ ଜାପାନର । ଏଥିପାଇଁ ବ୍ୟକ୍ତି ଜଣକ ୧୮ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି ।
ଟିଭିରେ ବ୍ୟକ୍ତି ଜଣକ ପ୍ରାଣୀଙ୍କୁ ନେଇ ପ୍ରସ୍ତୁତ ବିଭିନ୍ନ କାର୍ଯ୍ୟକ୍ରମ ଦେଖୁଥିଲେ। ପ୍ରାଣୀଙ୍କ ନକଲ ବି କରୁଥିଲେ। ଆଉ ବହୁ ପୂର୍ବରୁ ନିଷ୍ପତ୍ତି ନେଇଥିଲେ ଯେ, ଦିନେ ସେ ଯେମିତି ବି ହେଉ ଏକ ପ୍ରାଣୀ ପରି ଦେଖାଯିବେ। ବଡ଼ ହେବା ପରେ ସେ ଅନେକ ଷ୍ଟୁଡିଓ ଗଲେ ନିଜର ଫିଟିଙ୍ଗ ଓ ମାପ ଦେଇ ବିଲୁଆ ପୋଷାକ କରିବା ପାଇଁ। ଶେଷରେ ଗୋଟିଏ ଷ୍ଟୁଡିଓ ତାଙ୍କ ବିଲୁଆ ପୋଷାକ କରିବା ଲାଗି ରାଜି ହୋଇଥିଲା। ୫୦ ଦିନରେ ସେହି ପୋଷାକ ପ୍ରସ୍ତୁତ ହୋଇଗଲା। ସେହି ପୋଷାକଟିର ସୂକ୍ଷ୍ମ କାରୁକାର୍ଯ୍ୟ ତାଙ୍କୁ ବେଶ୍ ପସନ୍ଦ ଆସିଥିଲା।
ସେହି ପୋଷାକକୁ ପିନ୍ଧି ବ୍ୟକ୍ତି ଜଣକ ଦର୍ପଣରେ ନିଜକୁ ଦେଖିଲା ପରେ ତାଙ୍କର ବହୁ ବର୍ଷର ସ୍ବପ୍ନ ପୂରଣ ହୋଇଥିବା ଦେଖି ଖୁସିରେ ଆତ୍ମହରା ହୋଇଯାଇଥିଲେ। କାରଣ ପୋଷାକଟିର ଗୋଡ, ପଞ୍ଝା, ଆଖି, ନାକ ସବୁ କିଛିକୁ ଏତେ ନିଖୁଣଭାବେ ବିଲୁଆ ପରି କରାଯାଇଛି ଯେ, ତାକୁ ପିନ୍ଧି ସେ ସତସତିକା ବିଲୁଆ ପରି ଦେଖାଯାଉଥିଲେ।
Powered by Froala Editor