ନ୍ୟୁୟର୍କରେ ଶ୍ରେଷ୍ଠ ନିର୍ଦ୍ଦେଶକ ଆୱାର୍ଡ ପାଇଲେ ରାଜାମୌଲି
ବାହୁବଲୀ ଫିଲ୍ମର କ୍ରେଜ ପରେ ଆରଆରଆର ଫିଲ୍ମ ଧୁମ୍ ମଚାଇଛି । ତେବେ ଏହି ଫିଲ୍ମର ଶ୍ରେୟ ନିର୍ଦ୍ଦେଶକ ଏସ୍ ଏସ୍ ରାଜାମୌଲିଙ୍କୁ ଯାଉଛି । ନିକଟରେ ସେ ନ୍ୟୁୟର୍କ ଫିଲ୍ମ କ୍ରିଟିକ୍ସ ସର୍କଲ-୨୦୨୨ରେ ଶ୍ରେଷ୍ଠ ନିର୍ଦ୍ଦେଶକ ଭାବେ ପୁରସ୍କୃତ ହୋଇଛନ୍ତି। ନିର୍ଦ୍ଦେଶକ ରାଜାମୌଲି ପୁରସ୍କାର ଗ୍ରହଣ କରି କହିଥିଲେ, ପାଶ୍ଚାତ୍ୟ ଦେଶରେ 'ଆର୍ଆର୍ଆର୍'କୁ ସେହି ଭଲପାଇବା ମିଳିଛି, ଯେଭଳି ଭାରତରେ ମିଳିଥିଲା। ଏଥିସହ ଭାରତୀୟଙ୍କ ଭଳି ସମାନ ପ୍ରତିକ୍ରିୟା ମଧ୍ୟ ଏଠାରେ ଦେଖିବାକୁ ପାଇଛି। ଭାରତକୁ ଗୌରବାନ୍ବିତ କରିଥିବାରୁ ନିର୍ଦ୍ଦେଶକଙ୍କୁ ପ୍ରଶଂସକଙ୍କ ଶୁଭେଚ୍ଛା ଜଣାଇବା ସହ ପ୍ରଶଂସା କରୁଛନ୍ତି। ନିର୍ଦ୍ଦେଶକ ତାଙ୍କ ସ୍ତ୍ରୀ ରମା ରାଜାମୌଲି, ପୁଅ ଏସ୍ ଏସ୍ କାର୍ତ୍ତିକେୟ ଏବଂ ପରିବାରଙ୍କ ସହ ପୁରସ୍କାର ଶୋ'ରେ ଯୋଗ ଦେଇଥିଲେ।
Powered by Froala Editor
