ବିକିନି ରଙ୍ଗ ସହ ବଦଳିଯିବ ‘ପଠାନ’ ଟାଇଟଲ
କିଙ୍ଗ ଖାଁ ଶାହାରୁଖ ଖାଁ ଓ ଦୀପିକା ପାଦୁକୋନଙ୍କ ଫିଲ୍ମ 'ପଠାନ' ରିଲିଜ୍ ପୂର୍ବରୁ ଚର୍ଚ୍ଚାର ବିଷୟ ପାଲଟି ଯାଇଛି । ଲାଗାତାର ଭାବେ ଫିଲ୍ମକୁ ବୟକଟ କରାଯାଉଥିବା ବେଳେ ଫିଲ୍ମର ରିଲିଜ ଡେଟକୁ ନେଇ ଫିଲ୍ମ କ୍ରିଟିକ କମାଲ ରାଶିଦ ଖାଁ (କେଆରକେ) ଚମକାଇବା ଭଳି ତଥ୍ୟ ଦେଇଛନ୍ତି ।
କେଆରକେ ଦାବି କରିଛନ୍ତି କି ପଠାନର ରିଲିଜ ତାରିଖ ଘୁଞ୍ଚାଇ ଦିଆଯିବ । ଫିଲ୍ମର ଟାଇଟଲ ପରିବର୍ତ୍ତନ କରାଯିବା ସହ ଅରେଞ୍ଜ ବିକିନି ବି ରହିବ ନାହିଁ । ଏହାକୁ ନେଇ କୌଣସି ଅଫିସିଆଲ ଘୋଷଣା କରାଯାଇ ନ ଥିବା ବେଳେ ଏହା ଦିନେ ଦୁଇଦିନ ମଧ୍ୟରେ ଆସିଯିବ ବୋଲି କୁହାଯାଉଛି । କେଆରକେଙ୍କ ଏହି ଟୁଇଟର ପୋଷ୍ଟ ପରେ ଲୋକଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ପୂର୍ବରୁ ଫିଲ୍ମ ଟ୍ରେଲର ରିଲିଜକୁ ନେଇ କେଆରକେ ଯେଉଁ ଟୁଇଟ କରିଥିଲେ ତାହା ସତ ହୋଇଥିବା ବେଳେ ଏବେ ତାଙ୍କର ଏହି ଟୁଇଟ ବି ସତ ହୋଇପାରେ ବୋଲି କୁହାଯାଉଛି ।
ସୂଚନାଯୋଗ୍ୟ ଯେ, ପଠାନକୁ ନେଇ ଭିନ୍ନ ଭିନ୍ନ ବାଦବିବାଦ ଜାରି ରହିଛି । ଦୀର୍ଘ ୪ ବର୍ଷ ପରେ ଶାହାରୁଖ ବଡ ପରଦାକୁ ଫେରୁଥିବାରୁ ପ୍ରଶଂସକଙ୍କ ମଧ୍ୟରେ ଫିଲ୍ମକୁ ନେଇ ଉତ୍ସାହ ବି ଦେଖିବାକୁ ମିଳୁଛି ।
Powered by Froala Editor
