ସରିଲା ରୋକା: ରାଧିକାଙ୍କ ହାତ ଧରିବେ ଅନନ୍ତ ଅମ୍ବାନୀ
![ସରିଲା ରୋକା: ରାଧିକାଙ୍କ ହାତ ଧରିବେ ଅନନ୍ତ ଅମ୍ବାନୀ](https://odishanewslens.com/news_gallery/18613_1672335011.jpg)
ମୁକେଶ ଅମ୍ବାନୀଙ୍କ ସାନ ପୁଅ ଅନନ୍ତ ଅମ୍ବାନୀଙ୍କ ନିର୍ବନ୍ଧ ଆଙ୍କର ହେଲ୍ଥକେୟାର ସିଇଓ ବୀରେନ ମର୍ଚେଣ୍ଟଙ୍କ ଝିଅ ରାଧିକାଙ୍କ ସହ ସମ୍ପନ୍ନ ହୋଇଛି । ଦମ୍ପତିଙ୍କ ରୋକା ( ର୍ନିବନ୍ଧ) ସମାରୋହର ପ୍ରଥମ ଫଟୋ ସାମ୍ନାକୁ ଆସିଛି । ରୋକାର ଏହି କାର୍ୟ୍ୟକ୍ରମ ରାଜସ୍ଥାନର ରାଜସମନ୍ଦ ଜିଲ୍ଲାର ନାଥୱାରା ଠାରେ ଅବସ୍ଥିତ ଶ୍ରୀନଥଜୀ ମନ୍ଦିରରେ ପରିବାର ଓ ପ୍ରିୟଜନଙ୍କ ଉପସ୍ଥିତିରେ ଅନୁଷ୍ଠିତ ହୋଇଥିଲା । ରିଲାଏନ୍ସ ଗ୍ରୁପ ପ୍ରେସ ରିଲିଜ ଜାରି କରି ଏହାର ସୂଚନା ଦେଇଛି ।
ବୀରେନ ମର୍ଚେଣ୍ଟ ଗୁଜୁରାଟର କଚ୍ଛର ନିବାସୀ । ସେ ଏଡିଏଫ ଫୁଡସ ଲିମିଟେଡର ନନ ଏଗଜିକ୍ୟୁଟିଭ ଡାଇରେକ୍ଟର ଥିବା ସହ ଏନକୋର ହେଲ୍ଥକେୟାର ପ୍ରାଇଭେଟ ଲିମିଟେଡ କମ୍ପାନୀର ସିଇଓ ଏବଂ ଭାଇସ୍ ଚେୟାରମ୍ୟାନ ମଧ୍ୟ ଅଛନ୍ତି । ବୀରେନଙ୍କ ଦୁଇ ଝିଅ ରାଧିକା ଏବଂ ଅଞ୍ଜଳୀ । ସେହିପରି ବୀରେନ ମର୍ଚେଣ୍ଟଙ୍କ ପତ୍ନୀ ଶୈଲା ମଧ୍ୟ ଜଣେ ବିଜନେସୱିମେନ ଅଟନ୍ତି ଏବଂ ସେ ଏନକୋର ପ୍ରାଇଭେଟ ଲିମିଟେଡରେ ନିର୍ଦ୍ଦେଶକ ଅଛନ୍ତି । ଅଞ୍ଜଳୀ ମଧ୍ୟ ଏହି କମ୍ପାନୀରେ ନିର୍ଦ୍ଦେଶକ ଭାବେ କାର୍ଯ୍ୟ କରନ୍ତି ।
ଅନନ୍ତ ଏବଂ ରାଧିକା ପିଲାବେଳର ସାଙ୍ଗ। ରାଧିକା ଜଣେ ଟ୍ରେଣ୍ଡ ଇଣ୍ଡିଆନ କ୍ଲାସିକାଲ ଡ୍ୟାନ୍ସର । ଅନନ୍ତ ଆମେରିକାର ବ୍ରାଉନ୍ ୟୁନିଭରସିଟିରୁ ଅଧ୍ୟୟନ ସମାପ୍ତ କରିଥିଲେ। ଅନନ୍ତ ଜିଓ ପ୍ଲାଟଫର୍ମ ଓ ରିଲାଏନ୍ସ ରିଟେଲ୍ ଭେଞ୍ଚର ନିର୍ଦ୍ଦେଶକ ମଣ୍ଡଳୀରେ କାର୍ୟ୍ୟ କରିଛନ୍ତି ।
Powered by Froala Editor