କିନ୍ନରଙ୍କୁ ଯୌନ ନିର୍ଯାତନା ଦେଇ ଡ୍ରାଇଭର ଗିରଫ
ମୁମ୍ବାଇରେ ଜଣେ ୨୭ ବର୍ଷୀୟ ଟ୍ୟାକ୍ସି ଡ୍ରାଇଭର ଜଣେ କିନ୍ନରଙ୍କୁ ଦୁଷ୍କର୍ମ କରିବା ସହ ତାଙ୍କୁ ବଳ ପୂର୍ବକ ଅପ୍ରାକୃତିକ ଯୌନ ନିର୍ଯାତନା ଦେଇଛି। ଗୋଭାଣ୍ଡିର ରଫିକ ନଗରରେ ଏକ ନିଛାଟିଆ ସ୍ଥାନରେ ଏପରି ଘଟଣା ଘଟିଛି। ନିର୍ଯାତନାର ଶିକାର ହୋଇଥିବା କିନ୍ନରଙ୍କୁ ରକ୍ଷା କରିବାକୁ ଉଦ୍ୟମ କରିବା ବେଳେ ଆଉ ଜଣେ କିନ୍ନର ମଧ୍ୟ ଆକ୍ରମଣର ଶିକାର ହୋଇଛନ୍ତି। ଏହି ଘଟଣାରେ ପୁଲିସ ଟ୍ୟାକ୍ସି ଡ୍ରାଇଭରଙ୍କୁ ଗିରଫ କରିଛି। ଗିରଫ କରିବା ପରେ ଅଭିଯୁକ୍ତକୁ ପୁଲିସ୍ ରିମାଣ୍ତରେ ନେଇଛି।
ଶୁକ୍ରବାର ରାତିରେ ପୀଡ଼ିତ କିନ୍ନର ଜଣଙ୍କ ଘରକୁ ଫେରୁଥିଲେ। ଏହି ସମୟରେ ଅଭିଯୁକ୍ତ ଡ୍ରାଇଭର ଓ ତା’ର ଦୁଇ ଜଣ ସହଯୋଗୀ ତାଙ୍କୁ କମେଣ୍ଟ ମାରିଥିଲେ। କିଛି ସମୟ ଏପରି ଚାଲିବା ପରେ ଟ୍ୟାକ୍ସି ଡ୍ରାଇଭର ଜଣଙ୍କ କିନ୍ନରଙ୍କୁ ରାସ୍ତା କଡ଼କୁ ଭିଡ଼ି ନେଇ ଦୁଷ୍କର୍ମ କରିଥିଲା। ସେ ଚିତ୍କାର କରିବାରୁ ଆଉ ଜଣେ କିନ୍ନର ତାଙ୍କୁ ସାହାଯ୍ୟ କରିବାକୁ ଆସିଥିଲେ। କିନ୍ତୁ ତାଙ୍କୁ ମଧ୍ୟ ଆକ୍ରମଣ କରି ଅଭିଯୁକ୍ତ ଟ୍ୟାକ୍ସି ଡ୍ରାଇଭର ଫେରାର ହୋଇଯାଇଥିଲା।
Powered by Froala Editor