ଆଠ ମାସ ବନ୍ଦ ରହିବ ତିରୁପତି ମନ୍ଦିର
ଆନ୍ଧ୍ରପ୍ରଦେଶ: ଆନ୍ଧ୍ରପ୍ରଦେଶର ପ୍ରସିଦ୍ଧ ତିରୁପତି ତିରୁମାଲା ମନ୍ଦିର ଆସନ୍ତା ବର୍ଷ ଛଅରୁ ଆଠ ମାସ ବନ୍ଦ ରହିବ। ତିନି ମହଲା ଉପରେ ଥିବା ବିମାନ (ଗମ୍ବୁଜ ବା ଗୋପୁରମ୍)ର ସୁନା ଛାଉଣି ବଦଳାଇବାକୁ ମନ୍ଦିର ଟ୍ରଷ୍ଟ ବୋର୍ଡ ବୈଠକରେ ନିଷ୍ପତ୍ତି ନିଆଯାଇଛି। ସୁନା ଛାଉଣି ଶେଷ ହେବା ପର୍ଯ୍ୟନ୍ତ ପ୍ରଭୁ ଭେଙ୍କଟେଶ୍ୱରଙ୍କ ମୂର୍ତ୍ତିର ପ୍ରତିକୃତି ମୁଖ୍ୟ ମନ୍ଦିର ପାଖରେ ଥିବା ଏକ ମନ୍ଦିରରେ ରଖାଯିବ। ବାଲାୟାମ ନାମକ ଏହି ମନ୍ଦିର କମ୍ପ୍ଲେକ୍ସ ଭିତରେ ନିର୍ମିତ ହେବ।
ଫଳରେ ଭକ୍ତମାନେ ଭଗବାନ ଭେଙ୍କଟେଶ୍ବରଙ୍କ ଦର୍ଶନ ପାଇପାରିବେ। ବାଲାୟମ ନିର୍ମାଣ କାର୍ଯ୍ୟ ଆସନ୍ତା ଫେବ୍ରୁଆରି ୨୩ରୁ ଆରମ୍ଭ ହେବ। ଆନନ୍ଦ ନିଳୟମ୍ରେ ସୁନା ଛାଉଣି ୧୯୫୦ରୁ ଆରମ୍ଭ ହୋଇ ୧୯୫୮ରେ ଶେଷ ହୋଇଥିଲା। ଏହି ସୁନା ଆବରଣ ପ୍ରଥମ ଥର ପାଇଁ ୮୩୯ ଖ୍ରୀଷ୍ଟାବ୍ଦରେ ପଲ୍ଲଭ ରାଜା ବିଜୟ ଦାନ୍ତିବର୍ମନଙ୍କ ଦ୍ୱାରା କରାଯାଇଥିଲା। ସେହି ଦିନଠାରୁ ସୁନା-ପ୍ଲେଟିଂକୁ ସାତଥର ବଦଳାଯାଇଥିବା ରେକର୍ଡ ରହିଛି।
Powered by Froala Editor
