୧୨୭ଟି ଔଷଧର ମୂଲ୍ୟ କମାଇବାକୁ ଘୋଷଣା
ନୂଆଦିଲ୍ଲୀ : ଦେଶର ୧୨୭ଟି ଔଷଧର ଦାମ କମିବ । ନ୍ୟାସନାଲ ଫାର୍ମାସ୍ୟୁଟକାଲ ପ୍ରାଇସିଂ ଅଥରିଟି ୧୨୭ଟି ଔଷଧର ମୂଲ୍ୟକୁ କମାଇବା ପାଇଁ ଘୋଷଣା କରିଛି । ଚଳିତବର୍ଷ ଦ୍ୱିତୀୟ ଥର ପାଇଁ ପାରାସିଟାମଲ ଭଳି ଔଷଧର ମୂଲ୍ୟ ହ୍ରାସ ପାଇବ ।
ଅନ୍ୟପକ୍ଷରେ କିଛି ଔଷଧର ମୂଲ୍ୟ ବି ବୃଦ୍ଧି ପାଇବ । ଯେଉଁ ୧୨୭ଟି ଔଷଧର ମୂଲ୍ୟ ହ୍ରାସ ପାଇବ ସେଥିରେ ପାରାସିଟାମଲ, ଆମୋକ୍ସିଲିନ, ରାବିପ୍ରାଜୋଲ ଆଦି ରହିଛି । ପାରାସିଟାମଲ ୬୫୦ର ମୂଲ୍ୟ ଏବେ ୨ଟଙ୍କା ୩୦ପଇସା ଥିବାବେଳେ ତାହାକୁ ୧ଟଙ୍କା ୮୦ପଇସାକୁ ହ୍ରାସ କରାଯାଇଛି । ମୋକ୍ସିଘ୍ଲୋକ୍ସାସିନ ୪୦୦ବଟିକାର ମୂଲ୍ୟ ୩୧ଟଙ୍କା ୫୦ରୁ ୨୨ଟଙ୍କା ୮୦ ପଇସାକୁ ହ୍ରାସ କରାଯାଇଛି । ନିମୋନିଆ ଭଳି ଚିକିତ୍ସାରେ ଏହି ଔଷଧର ବ୍ୟବହାର ହୋଇଥାଏ ।
ମେଟଫର୍ମିନ୍ ୫୦୦ର ମୂଲ୍ୟ ୧ଟଙ୍କା ୭୦ରୁ ୧ଟଙ୍କା ୮୦ ପଇସାକୁ ବୃଦ୍ଧି କରାଯାଇଛି । ଟାଇପ-୨ ଡାଇବେଟିସ୍ ଚିକିତ୍ସାରେ ଉକ୍ତ ଔଷଧ ବ୍ୟବହୃତ ହୋଇଥାଏ । ଚଳିତବର୍ଷ କେତେକ ଔଷଧର ମୂଲ୍ୟ ୫ଥର ଏବଂ ଅନ୍ୟ କେତେକ ଔଷଧର ମୂଲ୍ୟ ୨ଥର ହ୍ରାସ କରାଯାଇଛି । ସର୍ବଭାରତୀୟ କେମିଷ୍ଟ ଡ୍ରଗିଷ୍ଟ ଆସୋସିଏସନର ସାଧାରଣ ସାଧାରଣ ସଂପାଦକ ରାଜୀବ ସିଂଘଳ ଏହି ନିଷ୍ପତ୍ତିକୁ ସ୍ୱାଗତ କରିଛନ୍ତି ।
Powered by Froala Editor
