ଆଜିଠୁ ଆରମ୍ଭ ହେଲା ଡଲ୍ଫିନ୍ ଗଣନା
ବ୍ରହ୍ମଗିରି: ଚିଲିକାରେ ଆଜିଠୁ ଆରମ୍ଭ ହୋଇଛି ଡଲ୍ଫିନ୍ ଗଣନା। ଗଣନା କାର୍ୟ୍ୟରେ ଲାଗିଛନ୍ତି ୧୮ଟି ଟିମ୍। ଚିଲିକା ଉନ୍ନୟନ କର୍ତ୍ତୃପକ୍ଷ ଓ ବନ ବିଭାଗ ପକ୍ଷରୁ ଗଣତି ଚାଲିଥିବା ବେଳେ ଏହା ୩ ଦିନ ଧରି ଚାଲିବ।
ଗଣନା କାର୍ୟ୍ୟରେ ବାଧା ନ ଉପୁଜିବା ଲାଗି ଆଜି ଦିନ ୨ଟା ପର୍ୟ୍ୟନ୍ତ ଚିଲିକାରେ ଡଙ୍ଗା ଚଳାଚଳ ଉପରେ କଟକଣା ଲଗାଯାଇଛି। ଘାଟ ଡଙ୍ଗା ଓ ଫେରିକୁ ମଧ୍ୟ ବନ୍ଦ କରାଯାଇଛି। ସ୍ଥାନୀୟ ସ୍ୱେଚ୍ଛାସେବୀ ଓ ମୋଟର ବୋଟ୍ ସଂଘ ସଦସ୍ୟ ମଧ୍ୟ ଗଣନା କାର୍ୟ୍ୟରେ ସାମିଲ ହୋଇଛନ୍ତି। ଫଟୋଗ୍ରାଫି ସହ ଜିପିଏସ ଟ୍ରାକିଂ କରାଯାଇ ଗଣନା କରାଯାଉଛି। ବାଇନକୁଳର ଦ୍ୱାରା ଡଲଫିନଙ୍କ ଗତିବିଧି ଲକ୍ଷ୍ୟ କରିବା ସହ ବନ କର୍ମଚାରୀମାନେ ଡଲଫିନ୍ ସଂଖ୍ୟା ଆକଳନ କରୁଛନ୍ତି।
Powered by Froala Editor
