ରାହୁଲଙ୍କ ସହ ପାଦ ମିଶାଇବେ କମଲ, ଭାରତ ଯୋଡୋ ଯାତ୍ରାରେ ସାମିଲ ହେବେ
ବିଭିନ୍ନ କ୍ଷେତ୍ରରେ ଖ୍ୟାତିସମ୍ପନ୍ନ ବ୍ୟକ୍ତିମାନେ ରାହୁଲ ଗାନ୍ଧିଙ୍କ ସହ ପଦଯାତ୍ରାରେ ଚାଲୁଛନ୍ତି। ଗତ ସପ୍ତାହରେ ପୂର୍ବତନ ଆର୍ବିଆଇ ଗଭର୍ଣ୍ଣର ରଘୁରାମ ରାଜନ କଂଗ୍ରେସ ନେତା ରାହୁଲ ଗାନ୍ଧିଙ୍କ ସହ ଭାରତ ଯୋଡ଼ୋ ଯାତ୍ରାରେ ଯୋଗଦେଇଥିଲେ । ସେହିପରି ଅଭିନେତା ତଥା ରାଜନେତା କମଲ ହାସନ ଭାରତ ଯୋଡ଼ୋ ଯାତ୍ରାରେ ଯୋଗ ଦେବାକୁ ନିଷ୍ପତ୍ତି ନେଇଛନ୍ତି। ଆସନ୍ତା ଡିସେମ୍ବର ୨୪ରେ ସେ ଭାରତ ଯୋଡୋ ଯାତ୍ରାରେ ଯୋଗଦେବେ।
କମଲଙ୍କ ଦଳ ମକ୍କାଲ ନିଧି ମୟମଙ୍କ ଅନୁଯାୟୀ, ଭାରତ ଯୋଡା ଯାତ୍ରା ଡିସେମ୍ବର ୨୪ରେ ଦିଲ୍ଲୀରେ ପ୍ରବେଶ କରିବ। ପ୍ରାୟ ଆଠ ଦିନର ବିରତି ପରେ ଏହା ଆସନ୍ତା ମାସରେ ଜମ୍ମୁ କଶ୍ମୀରରେ ପ୍ରବେଶ କରିବା ପୂର୍ବରୁ ଭାଜପା ନେତୃତ୍ୱାଧୀନ ଉତ୍ତରପ୍ରଦେଶ, ହରିୟାଣା ଏବଂ ପଞ୍ଜାବକୁ ଯିବ। ସୁପରଷ୍ଟାର କମଲ ହାସନଙ୍କୁ ରାହୁଲ ଏହି ଯାତ୍ରାରେ ଯୋଗଦେବାକୁ ନିମନ୍ତ୍ରଣ କରିଛନ୍ତି।
Powered by Froala Editor
