ଚୀନ୍କୁ ଫେରିଲା କରୋନା ଭୟ : ୨ ସାମ୍ବାଦିକଙ୍କ ମୃତ୍ୟୁ, ୨୦୨୩ ବେଳକୁ ହୁ ହୁ ବଢ଼ିବ ମାମଲା
ଚୀନରେ ଫେରିଛି କରୋନା । କରୋନା ମହାମାରୀ ଏବେ ହୁ ହୁ ହୋଇ ବଢିବା ଆରମ୍ଭ କରିଛି । ଆମେରିକା ସ୍ଥିତ ଇନଷ୍ଟିଚ୍ୟୁଟ୍ ଅଫ୍ ହେଲ୍ଥ ମେଟ୍ରିକ୍ସ ଆଣ୍ଡ ଇଭେଲୁଏସନ୍ (ଆଇଏଚ୍ ଏମ୍ଇ)ର ନୂତନ ଆକଳନ ଅନୁଯାୟୀ ଚୀନ୍ ସରକାର ହଠାତ୍ କଠୋର କୋଭିଡ୍ ପ୍ରତିବନ୍ଧକ ଉଠାଇବା ଦ୍ୱାରା ୨୦୨୩ ସୁଦ୍ଧା ମାମଲା ଗୁଡ଼ିକର ଦ୍ରୁତ ଗତିରେ ବଢିବ ଏବଂ ଏକ ନିୟୁତରୁ ଅଧିକ ଲୋକଙ୍କ ମୃତ୍ୟୁ ହୋଇପାରେ ।
ନିକଟରେ କରୋନାରେ ଆକ୍ରାନ୍ତ ହୋଇ ଚାଇନାର ଦୁଇ ପୂର୍ବତନ ଗଣମାଧ୍ୟମ ପ୍ରତିନିଧିଙ୍କର ବେଜିଂରେ ମୃତ୍ୟୁ ଘଟିଛି। ଶୁକ୍ରବାର ସ୍ଥାନୀୟ ଗଣମାଧ୍ୟମ ଏହାର ରିପୋର୍ଟ ଦେଇଛି। ପିପୁଲ୍ସ ଡେଲିର ୭୪ ବର୍ଷିୟ ପୂର୍ବତନ ସାମ୍ବାଦିକ ୟାଙ୍ଗ ଲିଆଙ୍ଗହୁଙ୍କର ଡିସେମ୍ବର ୧୫ରେ ଦେହାନ୍ତ ହୋଇଥିବାବେଳେ ଚାଇନା ୟୁଥ ଡେଲିର ପୂର୍ବତନ ସମ୍ପାଦକ ଜୋ ଜିଚୁନଙ୍କର ଡିସେମ୍ବର ୮ ରେ ଦେହାନ୍ତ ହୋଇଛି। ପତ୍ରିକା କାଇସିନ ଅନୁଯାୟୀ ତାଙ୍କୁ ୭୭ ବର୍ଷ ବୟସ ହୋଇଥିଲା। ଡିସେମ୍ବର ୭ ରେ ଅଧିକାଂଶ ମହାମାରୀ ନିୟନ୍ତ୍ରଣ ନୀତି ହଟାଯିବା ପରେ ପ୍ରଥମ ମୃତ୍ୟୁ ହୋଇଥିବା ଜଣାଯାଇଛି।
ଆଇଏଚଏମଇ ଆକଳନ ଅନୁଯାୟୀ, ଏପ୍ରିଲ ୧ ରେ ଚୀନରେ ମାମଲା ଶୀର୍ଷରେ ରହିବ, ଯେତେବେଳେ ମୃତ୍ୟୁ ସଂଖ୍ୟା ୩,୨୨,୦୦୦ରେ ପହଞ୍ଚିବ । ଆଇଏଚଏମଇ ନିର୍ଦ୍ଦେଶକ ଖ୍ରୀଷ୍ଟୋଫର ମୁରେ କହିଛନ୍ତି ଯେ ସେତେବେଳକୁ ଚୀନର ଜନସଂଖ୍ୟାର ପ୍ରାୟ ଏକ ତୃତୀୟାଂଶ ସଂକ୍ରମିତ ହୋଇସାରିଥିବେ ।
Powered by Froala Editor
