‘ପଠାନ’ ବିବାଦ ପରେ ଏମିତି କହିଲେ କିଙ୍ଗ ଖାନ୍
‘ପଠାନ୍’ରେ ଗେରୁଆ ପୋଷାକକୁ ନେଇ ବିବାଦ ସୃଷ୍ଟି ହୋଇଛି। ତେବେ ଏହି ବିବାଦ ଭିତରେ ଫିଲ୍ମକୁ ବିରୋଧ କରୁଥିବା ଲୋକମାନଙ୍କୁ ପ୍ରେମରେ ଏକ ବାର୍ତ୍ତା ଶୁଣାଇଛନ୍ତି ସେ। ଫିଲ୍ମର ବିବାଦ ସମ୍ପର୍କରେ ନକହି ପରୋକ୍ଷରେ ଏକ ସକାରାତ୍ମକ ଜବାବ ଦେଇଛନ୍ତି ଶାହରୁଖ।
ସେ କହିଛନ୍ତି, କିଛି ଲୋକ ସୋସିଆଲ ମିଡିଆରେ ନକରାତ୍ମକତା ବିସ୍ତାର କରୁଛନ୍ତି। ସିନେମା ହେଉଛି ସମାଜ ପରିବର୍ତ୍ତନ କରିବାର ଏକ ମାଧ୍ୟମ। ଶାହାରୁଖ ଏହା ମଧ୍ୟ କହିଛନ୍ତି ଯେ, ଦୁନିଆ ଯାହା ବି କରେ ନା କାହିଁକି, ମୁଁ, ତୁମେ ଏବଂ ସମସ୍ତ ସକରାତ୍ମକ ଲୋକ ଜୀବିତ ଅଛନ୍ତି। ଏହି କାର୍ଯ୍ୟକ୍ରମରେ ସେ ଏକ ସଂଳାପ ମଧ୍ୟ କହିଥିଲେ। ‘ଅପନୀ କୁର୍ଶିକି ପେଟି ବାନ୍ଧ ଲୋ, ମୌସମ ବିଗଡ଼ନେବାଲା ହୈ।’ ଶାହରୁଖ ଖାନ୍ଙ୍କୁ ଦେଖିବାକୁ ଆସିଥିବା ବିପୁଳ ଦର୍ଶକଙ୍କ ତାଳି ମାଡ଼ରେ ମାହୋଲ ସରଗରମ ହୋଇଥିଲା।
ପ୍ରକୃତରେ, ପଠାନଙ୍କ ପ୍ରଥମ ଗୀତ 'ବେସର୍ମ ରଙ୍ଗ' ଡିସେମ୍ବର ୧୨ରେ ମୁକ୍ତିଲାଭ କରିଥିଲା, ଯେଉଁଥିରେ ଦୀପିକା ପାଦୁକୋନ ଏବଂ ଶାହରୁଖ ଖାନଙ୍କ କେମେଷ୍ଟ୍ରିକୁ ଦେଖିବାକୁ ମିଳିଥିଲା। ଭିଡିଓ ଗୀତରେ ଦୀପିକାଙ୍କ ଗ୍ଲାମରସ ଏବଂ ବୋଲ୍ଡ ଲୁକ୍ ଦେଖାଯାଇଛି। ଏହାସହ ଦୀପିକା ଗୀତରେ ଏକ ସାଫ୍ରନ ରଙ୍ଗର ବିକିନି ପିନ୍ଧିଥିବାର ନଜର ଆସିଥିଲେ, ଯାହା ପରେ ବିବାଦ ଆରମ୍ଭ ହୋଇଥିଲା।
Powered by Froala Editor
