ମୁମ୍ବାଇ: ବଲିଉଡ୍ ସୁନ୍ଦରୀ ରବୀନା ଟଣ୍ଡନ ଖୁବ୍ ପ୍ରକୃତି ପ୍ରେମୀ । ସବୁବେଳେ ସେ ପ୍ରାକୃତିକ ପରିବେଶ ଭିତରେ ରହିବାକୁ ପସନ୍ଦ କରନ୍ତି । ନିଜର ସୋସିଆଲ୍ ମିଡିଆରେ ଅଧିକାଂଶ ସମୟରେ ସେ ଜୀବଜନ୍ତୁ, ଝରଣା ଓ ଜଙ୍ଗଲ ସହିତ ଫଟୋ ଉଠାଇ ପୋଷ୍ଟ କରନ୍ତି । ତାଙ୍କ ଫ୍ୟାନ୍‌ମାନେ ମଧ୍ୟ ଏଥିପାଇଁ ତାଙ୍କୁ ଦେଇଛନ୍ତି ଢେର୍ ସାରା ଭଲ ପାଇବା । ରବୀନାଙ୍କ ଫଲୋର୍ସ ମଧ୍ୟ ଏଥିପାଇଁ କ୍ରମାଗତ ଭାବେ ବଢ଼ି ଚାଲିଥିଲା । ହେଲେ ଏବେ ସେ ଅଡ଼ୁଆରେ ପଡ଼ିଛନ୍ତି । ନିକଟରେ ରବୀନା ଏକ ବାଘ ନିକଟରେ ଥାଇ ଫଟୋ ପୋଷ୍ଟ କରିଥିଲେ । ଯାହାକୁ ନେଇ ବିବାଦ ସୃଷ୍ଟି ହୋଇଛି ।

ରବୀନା ପୋଷ୍ଟ କରିଥିବା ଏହି ଭିଡିଓରେ ଅନେକ ପ୍ରାଣୀ ଓ ପକ୍ଷୀଙ୍କ ଫଟୋ ରହିଛି । ଏପରିକି ଏକ ବାଘ ମଧ୍ୟ ଥିବା ଦେଖା ଯାଇଛି । ଯାହାକୁ ନେଇ ଏବେ ରବୀନାଙ୍କ ପାଇଁ ଅଡ଼ୁଆ ସୃଷ୍ଟି ହୋଇଛି । ଟାଇଗର ରିଜର୍ଭ ନିୟମ ଅନୁଯାୟୀ, ବାଘ ଠାରୁ ପର୍ଯ୍ୟଟକମାନେ ଅତି କମ୍‌ରେ ଦୂରତା ୨୦ ମିଟର ରହିବା କଥା । କିନ୍ତୁ ରବୀନାଙ୍କ ଜିପ୍ ବାଘର ଅତି ନିକଟରେ ଥିବା ଜଣାପଡ଼ିଛି । ଯାହାକି ସମ୍ପୂର୍ଣ୍ଣ ଆଇନ ଉଲ୍ଲଂଘନ କରିଛି । ସବୁଠାରୁ ବଡ଼ କଥା ହେଲା, ଏହି ଭିଡିଓ ଉତ୍ତୋଳନ ବେଳେ କେବଳ ରବୀନା ନଥିଲେ, ତାଙ୍କ ସହିତ ଝିଅ ମଧ୍ୟ ଥିଲେ । ଯାହା ଏବେ ଶୁଣିବାକୁ ମିଳୁଛି ଏଥିପାଇଁ ରବୀନା, ଜିପ୍ ଚାଳକ ଓ ଗାଇଡ୍‌ଙ୍କ ଉପରେ ମଧ୍ୟ କାର୍ଯ୍ୟାନୁଷ୍ଠାନ ହୋଇପାରେ । କାରଣ ସମସ୍ତେ ବାଘ ନିକଟକୁ ଯାଇଥିବା ଭିଡିଓରେ ଦେଖିବାକୁ ମିଳୁଛି ।

Powered by Froala Editor