ପବିତ୍ର ବଡ଼ଓଷା: ଲାଗି ହେଲା ଗଜଭୋଗ ଓ ତରଣ
ଭୁବନେଶ୍ୱର: ପବିତ୍ର ଧବଳେଶ୍ୱରଙ୍କ ପୀଠରେ ବଡ଼ଓଷା ପାଳିତ ହୋଇଛି । ଧବଳେଶ୍ୱରଙ୍କ ପାଖରେ ଲାଗି ହେଲା ପ୍ରସିଦ୍ଧ ଗଜଭୋଗ ଓ ତରଣ । ପୂଜକ ସମାଜ ପକ୍ଷରୁ ସ୍ୱତନ୍ତ୍ର ନୀତିକାନ୍ତି କରାଯାଇ ମଧ୍ୟରାତ୍ରିରେ ଏହି ଗଜ ଭୋଗ ଓ ତରଣ ଠାକୁରଙ୍କୁ ଅର୍ପଣ କରାଯାଇଛି । ବଡ଼ଓଷାରେ ବଡସିଂହାର ବେଶ ସହିତ ରାଜା ରାଜେଶ୍ୱରୀ ବେଶରେ ଶୋଭାପାଇଛନ୍ତି ବାବା । ଏଥର ବଡ଼ଓଷା ପାଇଁ ପୀଠରେ ପରିବେଶ ଖାଁ ଖାଁ ରହିଥିଲା । ଝୁଲା ପୋଲ ବନ୍ଦ ଥିବାରୁ ପୀଠ ବାହାରେ ୩ହଜାର ଭକ୍ତ ଏଲଇଡି ସ୍କ୍ରିନରେ ଠାକୁରଙ୍କୁ ଦର୍ଶନ କରିଛନ୍ତି ।
ବଡ଼ ଓଷା ପାଇଁ ପୂଜକ ପରିବାରର ଘରେ ଘରେ ଚାଲିଥିଲା ଗଜ ଭୋଗ ପ୍ରସ୍ତୁତି । ଏଥିପାଇଁ ନୂଆ ଚୁଲି ପ୍ରସ୍ତୁତ କରାଯାଇ ପିତଳ ହଣ୍ଡାରେ ଅଥରା ବନ୍ଧା ଯାଇ ଚୁଲିକୁ ପୂଜା କରାଯିବା ପରେ ଗଜ ଭୋଗ ରଖାଯାଇଥିଲା । ପୂଜକ ପରିବାରର ସମସ୍ତ ସଦସ୍ୟ ନୂଆ ବସ୍ତ୍ର ପରିଧାନ ସହ ଶୁଦ୍ଧପୂତ ଭାବେ ବଡ଼ଓଷା ନୀତିକାନ୍ତି କରିଥିଲେ । ପୋଲିସ୍ ପ୍ରଶାସନ ପକ୍ଷରୁ ୧୪୪ ଧାରା ଲାଗୁ ହୋଇଥିବାରୁ ବିଭିନ୍ନ ସ୍ଥାନରେ ପୋଲିସ୍ ଫୋର୍ସ ମୁତୟନ କରାଯାଇଥିଲା । ଆଜି ସକାଳୁ ଶ୍ରଦ୍ଧାଳୁମାନଙ୍କୁ ଗଜଭୋଗ ମିଳିବ ।
Powered by Froala Editor
