ଗୋବିନ୍ଦାଙ୍କ ‘ଡବଲ ରୋଲ୍’ !
‘ସୀତା ଓର ଗୀତା’ ଫିଲ୍ମ ମନେଅଛି । ହଁ ନିଶ୍ଚୟ ମନେଥିବ । ଯେଉଁଥିରେ ହେମାମାଳିନୀଙ୍କ ଡବଲ୍ ରୋଲ୍ ଥିଲା । ହେଲେ ଅସଲ ଜୀବନରେ ନିଜର ଅବିକଳ ମଣିଷକୁ ଦେଖି ଚମକି ପଡିଛନ୍ତି ବଲିଉଡ ଅଭିନେତା ଗୋବିନ୍ଦା । ଗୋବିନ୍ଦା ନିଜ ପତ୍ନୀ ସୁନିତାଙ୍କ ସହ ବିମାନବନ୍ଦରରେ ପହଞ୍ଚିଥିବା ବେଳେ ସାମ୍ନାକୁ ଚାଲି ଆସିଥିଲେ ତାଙ୍କ ଭଳି ଅବିକଳ ଦେଖାଯାଉଥିବା ବ୍ୟକ୍ତି। ହାତରେ ତାଙ୍କର ଫୁଲତୋଡା ଥିଲା।
ସେ ଗୋବିନ୍ଦାଙ୍କୁ ଦେଖି ପାଦ ଛୁଇଁଥିଲେ। ଏହାପରେ ସେଠାରେ ଉପସ୍ଥିତ ବ୍ୟକ୍ତିମାନେ କିଏ ଅସଲି କିଏ ନକଲି ତାହା ଜାଣିପାରି ନ ଥିଲେ। ପରେ କିଛି ସମୟ ଉଭୟ କଥା ହେବା ପରେ ଗୋବିନ୍ଦା ନିଜର ଗନ୍ତବ୍ୟସ୍ଥଳକୁ ଚାଲିଯାଇଥିଲେ।
Powered by Froala Editor
