ସୁସ୍ଥ ଶିଶୁକୁ ଜନ୍ମ ଦେଲେ କୋମାରେ ଥିବା ମହିଳା
ଦିଲ୍ଲୀ ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ (ଏମସ୍)ରେ କୋମାରେ ରହିଛନ୍ତି ବୁଲନ୍ଦସରର୨୩ ବର୍ଷିୟ ମହିଳା । ସେ ୭ ମାସ ପୂର୍ବେ ୩୧ ମାର୍ଚ୍ଚ ୨୦୨୨ରେ ମୋଟରସାଇକେଲରେ ଯାଉଥିବା ବେଳେ ଦୁର୍ଘଟଣାର ଶିକାର ହୋଇଥିଲେ। ତାଙ୍କ ମୁଣ୍ଡରେ ଆଘାତ ଲାଗିଥିଲା। ମୁଣ୍ଡରେ ଏଥିପାଇଁ ସର୍ଜରୀ ହୋଇଥିଲେ ମଧ୍ୟ ମହିଳାଙ୍କର ଏପର୍ଯ୍ୟନ୍ତ ଚେତନା ଫେରିନାହିଁ।
ତେବେ ଦୁର୍ଘଟଣାର ଶିକାର ହେବା ବେଳକୁ ମହିଳା ୪୦ ଦିନ ଗର୍ଭବତୀ ଥିଲେ। ସ୍ତ୍ରୀରୋଗ ବିଶେଷଜ୍ଞଙ୍କ ଟିମ୍ ତାଙ୍କ ସ୍ୱାସ୍ଥ୍ୟର ସମୀକ୍ଷା କରିଥିଲେ ଓ ଗର୍ଭସ୍ତ ଶିଶୁଟି ସମ୍ପୂର୍ଣ୍ଣ ସୁସ୍ଥ ଥିବା କହିଥିଲେ। ସେତେବେଳେ ମହିଳାଙ୍କ ସ୍ୱାସ୍ଥ୍ୟାବସ୍ଥାକୁ ଦେଖି ମହିଳାଙ୍କ ଗର୍ଭ ରଖିବା ନ ରଖିବା ତାଙ୍କ ପରିବାରଙ୍କ ଉପରେ ନ୍ୟସ୍ତ କରିଥିଲେ। ଏଥିରେ ମହିଳାଙ୍କ ସ୍ୱାମୀ ଗର୍ଭସ୍ତ ଶିଶୁକୁ ବଞ୍ଚାଇ ରଖିବାକୁ ନିଷ୍ପତ୍ତି ନେଇଥିଲେ। ସେହି ଅନୁସାରେ ମହିଳାଙ୍କ ଗର୍ଭରେ ଶିଶୁଟି ବଢିଥିବା ବେଳେ ଗତ ସପ୍ତାହରେ ସୁସ୍ଥ ଶିଶୁଟିଏ ଜନ୍ମ ଦେଇଛନ୍ତି । ନବଜାତ ଶିଶୁ ସମ୍ପୂର୍ଣ୍ଣ ସୁସ୍ଥ ଥିବା ଏମସ୍ ସ୍ତ୍ରୀ ଓ ପ୍ରସୂତି ବିଭାଗ ପକ୍ଷରୁ କୁହାଯାଇଛି।
Powered by Froala Editor
