ନଭେମ୍ୱରରେ ଭାରତ ଆସିବେ ସାଉଦି ପ୍ରିନ୍ସ
ସାଉଦି ଆରବର ରାଜକୁମାର ମୋହମ୍ମଦ ବିନ ସଲମାନ ଆସନ୍ତା ମାସରେ ଭାରତ ଗସ୍ତରେ ଆସିବେ । ଇଣ୍ଡୋନେସିଆର ବାଲିରେ ଜି୨୦ ସମ୍ମିଳନୀରେ ସାଉଦି କ୍ରାଉନ୍ ପ୍ରିନ୍ସ ଯୋଗଦେବାକୁ ଥିବାବେଳେ ଏହି ଅବସରରେ ସେ ଭାରତ ଆସିବେ ବୋଲି ରିପୋର୍ଟ ପ୍ରକାଶ ପାଇଛି। ଏହି ଗସ୍ତ ସମୟରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି ।
ସୂଚନା ଅନୁସାରେ, କ୍ରାଉନ ପ୍ରିନ୍ସ ନଭେମ୍ୱର ୧୪ ସକାଳେ ଭାରତରେ ପହଞ୍ଚିବେ । ଏହା ପରେ ସେ ଇଣ୍ଡୋନେସିଆର ବାଲିରେ ହେବାକୁ ଥିବା ଜି-୨୦ ଶିଖର ସମ୍ମିଳନୀରେ ଯୋଗ ହେବେ ।
ଉଲ୍ଲେଖଯୋଗ୍ୟ ଯେ, ସାଉଦି କ୍ରାଉନ ପ୍ରିନ୍ସଙ୍କ ଏହି ଯାତ୍ରା ପ୍ରଧାନମନ୍ତ୍ରୀ ମୋଦୀଙ୍କ ନିମନ୍ତ୍ରଣ ପରେ ହେଉଛି । ବିଦେଶ ମନ୍ତ୍ରୀ ଏସ ଜୟଶଙ୍କର ଜରିଆରେ ପ୍ରଧାନମନ୍ତ୍ରୀ ଏହି ନିମନ୍ତ୍ରଣ ପଠାଇଥିଲେ । ଗତ ସପ୍ତାହରେ ସାଉଦି ଶକ୍ତିମନ୍ତ୍ରୀ ଅବଦୁଲଜିଜ୍ ବିନ୍ ସଲ୍ମାନ ଭାରତ ଗସ୍ତରେ ଆସିଥିଲେ।
Powered by Froala Editor