୪ ସାଙ୍ଗଙ୍କ କାହାଣୀ ‘ଉଁଚାଇ’
୪ ସାଙ୍ଗଙ୍କ କାହାଣୀ ହେଉଛି ‘ଉଁଚାଇ’ । ଯାହାର ଟ୍ରେଲର ରିଲିଜ ହୋଇଛି । ସୁରଜ ବଡ଼ଜାତ୍ୟାଙ୍କ ଅନ୍ୟ ଚଳଚ୍ଚିତ୍ର ଗୁଡ଼ିକ ପରି ଏହା ମଧ୍ୟ ଏକ ପାରିବାରିକ ଫିଲ୍ମ, ଯେଉଁଥିରେ ୪ ସାଙ୍ଗଙ୍କ ଜୀବନ କାହାଣୀ ଦର୍ଶାଯାଇଛି। ଅମିତାଭ ବଚ୍ଚନ, ଅନୁପମ ଖେର ଓ ବୋମନ ଇରାନୀ ଏଥିରେ ନଜର ଆସିବେ । ଚଳଚ୍ଚିତ୍ରରେ ପରିଣୀତି ଚୋପ୍ରା, ଡ୍ୟାନି ଡେଞ୍ଜୋଗ୍ପା ଏବଂ ନୀନା ଗୁପ୍ତା ମଧ୍ୟ ଗୁରୁତ୍ବପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।
ଫିଲ୍ମର ଟ୍ରେଲର ଭାବପ୍ରବଣତା ଏବଂ ପ୍ରେରଣାରେ ପରିପୂର୍ଣ୍ଣ। ବନ୍ଧୁ ପାଇଁ ଅମିତାଭ ବଚ୍ଚନ, ବୋମନ ଇରାନୀ ଏବଂ ଅନୁପମ ଖେର ପରିଣତ ବୟସରେ ମାଉଣ୍ଟ ଏଭରେଷ୍ଟ ଆରୋହଣ କରିବାର ସ୍ବପ୍ନ ଦେଖୁଛନ୍ତି ଓ ବେସ୍ କ୍ୟାମ୍ପକୁ ଯିବାକୁ ବାହାରୁଛନ୍ତି। ତେବେ ଯିଏ ତାଙ୍କର ସ୍ୱପ୍ନ ବିଷୟରେ ଶୁଣୁଛନ୍ତି ସେ ତାଙ୍କୁ ଫେରିବାକୁ ପରାମର୍ଶ ଦେଉଛନ୍ତି।
କିନ୍ତୁ ସେମାନେ କାହା କଥା ଶୁଣୁନାହାନ୍ତି ଏବଂ ଯାତ୍ରା ଆରମ୍ଭ କରୁଛନ୍ତି। ଏହି ସମୟରେ ସେମାନଙ୍କୁ ବର୍ଷା, ବରଫ, କଠିନ ରାସ୍ତା ଦେଇ ଯିବାକୁ ପଡୁଛି। ତଥାପି ସେମାନେ ହାର ମାନୁ ନାହାନ୍ତି। ଏହି ଚଳଚ୍ଚିତ୍ର ଚଳିତ ବର୍ଷ ନଭେମ୍ବର ୧୧ରେ ପ୍ରେକ୍ଷାଳୟକୁ ଆସିବ। ଟ୍ରେଲର ସମସ୍ତଙ୍କୁ ପସନ୍ଦ ଆସିଥିବାବେଳେ ଦର୍ଶନ ସିନେମାକୁ ଅପେକ୍ଷା କରିଛନ୍ତି ।
Powered by Froala Editor
