ବଲାଙ୍ଗୀର ପୁଲିସ ଏହି ସେକ୍ସ ଆଡ୍ଡା ଉପରେ ଚଢ଼ଉ କରିଛି। ସହରର ଶାସ୍ତ୍ରୀନଗର ପଡ଼ାରେ ଥିବା ଏକ କୋଠାରେ ବହୁତ ମାସ ହେଲା ସେକ୍ସ ରାକେଟ ଚାଲିଥିଲା । ହେଲେ ଆଜି ପୁଲିସ ଶାସ୍ତ୍ରୀନଗରର ଏକ କୋଠାରେ ଚଢଉ କରିଛି । ସେକ୍ସ ରାକେଟ ଚଲାଇଥିବା ମାଷ୍ଟରମାଇଣ୍ଡ ସହ ୮ ଯୁବତୀଙ୍କୁ ଠାବ କରିଛି । ୩ ଗ୍ରାହକଙ୍କୁ ଥାନାରେ ଅଟକ ରଖି ପଚରାଉଚୁରା ଚଲାଇଥିବା ସୂଚନା ମିଳିଛି ।

୮ ଜଣ ଯୁବତୀ ସ୍ଥାନୀୟ ଅଂଚଳର ହୋଇଥିବା ବେଳେ ଆଉ କେତେ ଜଣ ବାହାର ରାଜ୍ୟର ବୋଲି ଜଣାପଡିଥିଲା । ଉପସ୍ଥିତ ଥିବା ୩ ଜଣ ଗ୍ରାହକଙ୍କୁ ପୁଲିସ ଥାନାକୁ ନେଇଥିଲା । କିଏ ସେକ୍ସ ରାକେଟ ଚଲାଉଥିଲା? କେତେ ଦିନରୁ ସେହି ଘରେ କାରବାର ଚାଲୁଥିଲା? ଏ ନେଇ ପୁଲିସ କୌଣସି ସବିଶେଷ ସୂଚନା ଦେଇନି । ତେବେ ଘର ମାଲିକ ଜଣଙ୍କ ସୋନପୁର ଜିଲ୍ଲାର ହୋଇଥିବା ବେଳେ ସେ କଳାହାଣ୍ଡିରେ ରହୁଥବା ଜଣାପଡ଼ିଛି। ସେପଟେ ଘର ରକ୍ଷଣା ବେକ୍ଷଣା କରୁଥିବା ବ୍ୟକ୍ତି ଏଠାରେ ସେକ୍ସ କାରବାର କରୁଥିବା ଲୋକଙ୍କ ଠାରୁ ୧୦ ହଜାର ଟଙ୍କା ନେଉଥିଲେ ବୋଲି କହିଛନ୍ତି। ବଲାଙ୍ଗୀର ଏସଡିପିଓଙ୍କ ତୋଫାନ ବାଗଙ୍କ ନେତୃତ୍ୱରେ ଏହି ଛାନଭିନ ହୋଇଥିଲା ବୋଲି ପୁଲିସ କହିଛି।

ତେବେ ବଲାଙ୍ଗୀର ସହରରେ ସେକ୍ସ କାରବାର ଚାଲୁଥିବା ନେଇ ବିଭିନ୍ନ ମହଳରେ ଅଭିଯୋଗ ହୋଇ ଆସୁଥିଲା । ପୂର୍ବରୁ ବି ମେଡିକାଲ କଲେଜ ନିକଟ ଏକ ଘରେ ପୁଲିସ ସେକ୍ସ କାରବାର ଉପରେ ଚଢଉ କରିଥିଲା ।

Powered by Froala Editor