ଅର୍ଥ ଲାଭ ଆଶାରେ ୨ଜଣ ମହିଳାଙ୍କୁ ବଳି ପକାଇବା ଘଟଣା ଏବେ ସାରା ଦେଶରେ ଚାଞ୍ଚଲ୍ୟ ଖେଳାଇ ଦେଇଛି। ଦୁଇ ମହିଳାଙ୍କ ମଧ୍ୟରୁ ଜଣଙ୍କୁ ଜୁନ ମାସରେ ଏବଂ ଅନ୍ୟଜଣଙ୍କୁ ସେପ୍ଟେମ୍ବର ମାସରେ ବଳି ପକାଯାଇଥିବା ବେଳେ ଅଭିଯୁକ୍ତ ଦମ୍ପତି ମହିଳାଙ୍କ ମାଂସ ଖାଇଥିବା ସନ୍ଦେହ କରୁଛି ପୁଲିସ। ଏହି ଘଟଣାରେ ସବୁଠାରୁ ଭୟଙ୍କର କଥା ହେଲା ଦୁଇ ମହିଳାଙ୍କ ମଧ୍ୟରୁ ଜଣଙ୍କ ଶରୀରକୁ ୫୬ଖଣ୍ଡ କରି କାଟିବା ସହ ଦୁଇ ଜଣଙ୍କ ସ୍ତନକୁ କାଟି ଦିଆଯାଇଥିଲା।

ଅଭିଯୁକ୍ତ ଦମ୍ପତି ଭଗବାଲ ସିଂ ଏବଂ ତାଙ୍କ ପତ୍ନୀ ଲୈଲା ଅର୍ଥ ଲାଭ ଆଶାରେ ୨ମହିଳାଙ୍କ ବଳି ଦେଇଥିବା ଜଣାପଡ଼ିଛି। ଘଟଣାର ମୁଖ୍ୟ ଅଭିଯୁକ୍ତ ମହମ୍ମଦ ସାଫି ପର୍ଣ୍ଣ ଫିଲ୍ମରେ କାମ ଦେଇ ଅର୍ଥ ଲାଭର ଲୋଭ ଦେଖାଇ ୨ପୀଡ଼ିତ ମହିଳାଙ୍କୁ ଭଗବାଲ ସିଂଙ୍କ ପାଖକୁ ଆଣିଥିଲେ ବୋଲି କହିଛି ପୁଲିସ।

ପୁଲିସ କହିଛି ଯେ ଦୁଇ ମହିଳା ରୋସେଲିନ ଓ ପଦ୍ମାଙ୍କୁ ପ୍ରଥମେ ଦମ୍ପତି ଘର ମଧ୍ୟକୁ ନେଇ ବାନ୍ଧି ଦେଇଥିଲେ। ସେମାନଙ୍କୁ ତଣ୍ଟିଚିପି ହତ୍ୟା କରିବା ପୂର୍ବରୁ ଅତ୍ୟନ୍ତ ଭୟଙ୍କର ଢଙ୍ଗରେ ନିର୍ଯାତନା ଦିଆଯାଇଥିଲା। ଦୁଇ ମହିଳାଙ୍କ ହାତଗୋଡ଼ ବାନ୍ଧି ଅଭିଯୁକ୍ତମାନେ ଜଣଙ୍କର ସ୍ତନ କାଟି ଦେଇଥିଲେ। ସେଥିରୁ ରକ୍ତ ବୋହିବା ବନ୍ଦ ହେବା ପର୍ଯ୍ୟନ୍ତ ତାଙ୍କୁ ସେଭଳି ଅବସ୍ଥାରେ ରଖାଯାଇଥିଲା। ଏହାପରେ ସେମାନଙ୍କୁ ତଣ୍ଟିଚିପି ହତ୍ୟା କରାଯାଇଥିଲା।

ଜଣେ ମହିଳାଙ୍କ ମୃତଦେହକୁ ସେମାନେ ୫୬ ଖଣ୍ଡ କରିଥିଲେ। ଘର ପାଖରେ ଥିବା ୩ଟି ଗାତରୁ ମୃତଦେହର ଖଣ୍ଡବିଖଣ୍ଡିତ ଅଂଶ ମିଳିଛି। ଘଟଣାର ମୁଖ୍ୟ ଅଭିଯୁକ୍ତ ଶାଫି ଜଣେ ଯୌନ କେଳେଙ୍କାରୀ ପ୍ରକୃତିର ଲୋକ। ସେ ମହିଳାମାନଙ୍କୁ ନିଜ ଜାଲରେ ଫସାଇ ଅଭିଯୁକ୍ତ ଦମ୍ପତି ଭାଗବଲ ସିଂହ ଓ ଲୈଲାର ଘରକୁ ଆଣିଥିଲା। ୨୦୨୦ ମସିହାରେ ଶାଫି ଜଣେ ୭୫ ବର୍ଷୀୟ ବୃଦ୍ଧାଙ୍କୁ ଯୌନ ନିର୍ଯାତନା ଦେଇଥିଲା। ଏହି ଘଟଣାରେ ସେ ଜାମିନରେ ମୁକିଳିଥିଲା।

ତେବେ ବଳିମାଂସ ଖାଇଛନ୍ତି ବୋଲି ଅଭିଯୁକ୍ତ ଭଗବାଲ ସିଂହ ଏବଂ ତାଙ୍କ ସ୍ତ୍ରୀ ଲୈଲା ଜେରା ସମୟରେ କହିଛନ୍ତି ବୋଲି ପୁଲିସ ସୂତ୍ରରୁ ଜଣାପଡ଼ିଛି। ଏହି ମାମଲା ତଦନ୍ତ କରିବା ଲାଗି ପୁଲିସ ସ୍ବତନ୍ତ୍ର ଟିମ୍‌ ଗଠନ କରିଛି।

Powered by Froala Editor