ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜ : ଶିଖର ଧାୱନ ଅଧିନାୟକ, ଶ୍ରେୟସ ଆୟର ଉପଅଧିନାୟକ
ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜ ପାଇଁ ଭାରତୀୟ ଦଳ ଘୋଷଣା ହୋଇଛି। ଶିଖର ଧାୱନଙ୍କୁ ଅଧିନାୟକ ଦାୟିତ୍ବ ଦିଆଯାଇଥିବାବେଳେ ଶ୍ରେୟସ ଆୟର ଉପଅଧିନାୟକ ଭାବେ ମନୋନୀତ ହୋଇଛନ୍ତି। ଏଥି ସହିତ ବରିଷ୍ଠ ଖେଳାଳିଙ୍କୁ ମଧ୍ୟ ଏହି ସିରିଜରୁ ବିଶ୍ରାମ ଦିଆଯାଇଛି। ଆସନ୍ତା ୬ ତାରିଖରୁ ଦକ୍ଷିଣ ଆଫ୍ରିକା ବିରୋଧରେ ଏହି ଦିନିକିଆ ଶୃଙ୍ଖଳା ଆରମ୍ଭ ହେବ । ୬, ୯ ଓ ୧୧ ତାରିଖରେ ଉଭୟ ଟିମ ମଧ୍ୟରେ ମ୍ୟାଚ ଖେଳାଯିବ। ୧୬ଜଣିଆ ଦଳରେ ଋତୁରାଜ ଗାଏକୱାର୍ଡ, ଶୁଭମନ ଗିଲ, ରଜତ ପଟିଦାର, ରାହୁଲ ତ୍ରିପାଠୀ, ଇଶାନ କିଶନ, ସଞ୍ଜୁ ସାମସନ, ଶାହବାଜ ଅହମ୍ମଦ, ଶାର୍ଦ୍ଦୁଲ ଠାକୁର, କୁଲଦୀପ ଯାଦବ, ରବି ବିଷ୍ଣୋଇ, ମୁକଶେ କୁମାର, ଅବେଶ ଖାନ, ସିରାଜ, ଚହର ପ୍ରମୁଖ ସ୍ଥାନ ପାଇଛନ୍ତି।
ଟି-୨୦ ବିଶ୍ୱକପ୍ ପାଇଁ ଆସନ୍ତା ଅକ୍ଟୋବର ୬ ତାରିଖରେ ଟିମ୍ ଇଣ୍ଡିଆ ଅଷ୍ଟ୍ରେଲିଆ ବାହାରିବ। ଅକ୍ଟୋବର ୪ ତାରିଖରେ ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜ୍ ଶେଷ ହେବ । ତେଣୁ ବିଶ୍ୱକପକୁ ଆଖି ଆଗରେ ରଖି ଏହି ଦଳ ଘୋଷଣା କରାଯାଇଛି ।
ପ୍ରଥମ ଦିନିକିଆ – ଅକ୍ଟୋବର ୬ ତାରିଖ, ଲକ୍ଷ୍ନୌ
ଦ୍ୱିତୀୟ ଦିନିକିଆ – ଅକ୍ଟୋବର ୯ ତାରିଖ, ରାଞ୍ଚି
ତୃତୀୟ ଦିନିକିଆ – ଅକ୍ଟୋବର ୧୧ ତାରିଖ, ଦିଲ୍ଲୀ
Powered by Froala Editor
