ଏହି କାରଣରୁ ସ୍ୱାମୀଙ୍କୁ ଛାଡ଼ପତ୍ର ଦେଲେ ଅଭିନେତ୍ରୀ ସନା
ବିବାହର ଛଅ ବର୍ଷ ପରେ ସ୍ୱାମୀଙ୍କୁ ଛାଡପତ୍ର ଦେଇଛନ୍ତି ଅଭିନେତ୍ରୀ ସନା ଅମିନ ଶେଖ। ସନା ନିର୍ଦ୍ଦେଶକ ଏଜାଜ୍ ଶେଖଙ୍କୁ ବିବାହ କରିଥିଲେ। ହେଲେ ବିବାହକୁ ନେଇ ଉଭୟ ଖୁସି ନ ଥିଲେ। ନିଜର ଛାଡ଼ପତ୍ରକୁ ନେଇ ସନା କହିଛନ୍ତି, ପରସ୍ପରକୁ ମାତ୍ର ଏକ ମାସ ଧରି ଜାଣିବା ପରେ ଆମେ ବିବାହ କରିବାକୁ ନିଷ୍ପତ୍ତି ନେଇଥିଲୁ। ଆମେ ପରସ୍ପରକୁ ପସନ୍ଦ କରୁଥିଲୁ। ହେଲେ ଟେଲିଜଗତର ହୋଇଥିବାରୁ ସମୟ ଅଭାବ ଥାଏ। ପରିବାର ଏବଂ ପାର୍ଟନରଙ୍କ ସହ ସମୟ ବିତାଇବା ଲାଗି ଦିନଟାଏ ବି ଛୁଟି ମିଳେନାହିଁ।
ବିବାହର ପରଦିନ ମୁଁ କୃଷ୍ଣଦାସୀ ଲାଗି ଶୁଟିଂ କରୁଥିଲି। କାମରୁ ସମୟ ମିଳୁଥିବା ସମୟରେ ପରସ୍ପର ଭିନ୍ନ କାମରୁ ଆସିଥିବାରୁ ଭିନ୍ନ ମତ ରଖୁଥିଲୁ। ଏମିତିରେ ବୁଝାମଣାର ଅଭାବ ଦେଖାଦେଇଥିଲା। ଉଭୟ ବିବାହକୁ ସଫଳ କରିବାକୁ ଚେଷ୍ଟା କରିଥିଲୁ, ହେଲେ ହୋଇପାରି ନ ଥିଲା। ଶେଷରେ ପାରସ୍ପରିକ ବୁଝାବଣାରେ ଆମେ ଅଲଗା ହୋଇଯାଇଥିଲୁ। ତେବେ ଏବେ ସେ ନିଜ କାମରେ ଧ୍ୟାନ ଦେଉଛନ୍ତି ବୋଲି ସନା କହିଛନ୍ତି।
ଯଦି ଦୁଇଜଣ ଲୋକ ଗୋଟିଏ ଛାତ ତଳେ ରହି ବି ଖୁସି ନାହାନ୍ତି ତେବେ ଅଲଗା ହୋଇଯିବା ଠିକ୍ ବୋଲି ସନା କହିଛନ୍ତି। ଏମିତିରେ ସେମାନେ ଅଲଗା ହେବା ବାଟକୁ ବାଛି ନେଇଛନ୍ତି।
Powered by Froala Editor
