ଆଡଭାନ୍ସ ବୁକିଂରେ ହାଉସ ଫୁଲ୍ ହେଲାଣି ପୋନ୍ନିୟିନ୍ ସେଲଭମ-୧
‘ବିକ୍ରମ ବେଦା’ ଓ ‘ପୋନ୍ନିୟିନ୍ ସେଲଭମ-୧’ ଫିଲ୍ମ ଆଗକୁ ରିଲିଜ୍ ହେବାକୁ ଥିବା ବେଳେ ଏବେ ଏହାର ଆଡଭାନ୍ସ ବୁକିଂ ଆରମ୍ଭ ହୋଇଛି। ଦୁଇଟି ଯାକ ଫିଲ୍ମ ସେପ୍ଟେମ୍ବର ୩୦ରେ ରିଲିଜ୍ ହେବାକୁ ଥିବା ବେଳେ ଗତ ଶନିବାର ସନ୍ଧ୍ୟାରୁ ଦୁଇଟି ଫିଲ୍ମ ପାଇଁ ଆଡଭାନ୍ସ ବୁକିଂ ଆରମ୍ଭ ହୋଇଛି। ତେବେ ଆଡଭାନ୍ସ ବୁକିଂରେ ‘ବିକ୍ରମ ବେଦା’କୁ ‘ପିଏସ-୧’ ପଛରେ ପକାଇଥିବା ଜଣାପଡ଼ିଛି।
‘ପିଏସ-୧’ରେ ମୁଖ୍ୟ ଭୂମିକାରେ ଐଶ୍ବର୍ଯ୍ୟା ରାୟ ବଚ୍ଚନ, ତ୍ରିଶା, ଚିଆନ ବିକ୍ରମ, ଜୟମ ରବି ଏବଂ କାର୍ତ୍ତି ନଜର ଆସିବେ। ‘ବିକ୍ରମ ବେଦା’ରେ ବଲିଉଡ ସୁପରଷ୍ଟାର ହ୍ରିତିକ ରୋଶନ ଓ ସୈଫ ଅଲୀ ଖାନ ନଜର ଆସିବେ। ‘ପିଏସ-୧’ ଆଡଭାନ୍ସ ବୁକିଂରୁ ମୋଟ ୩.୧୫କୋଟି ଆୟ କରିଥିବା ବେଳେ ‘ବିକ୍ରମ ବେଦା’ ଆଡଭାନ୍ସ ବୁକିଂରୁ ୪୫ଲକ୍ଷ ଟଙ୍କା ଆୟ କରିଛି। ଚେନ୍ନାଇରେ ଫିଲ୍ମ ‘ପିଏସ-୧’ର ସକାଳ ୪ଟାରେ ଥିବା ସୋ’ ହାଉସଫୁଲ ହୋଇଛି। ଆଗକୁ ଅନ୍ୟ ସହରରେ ଆଡଭାନ୍ସ ବୁକିଂ ଆରମ୍ଭ ହେଲେ ଦୁଇଟି ଫିଲ୍ମର ଆଡଭାନ୍ସ ବୁକିଂ ବଢ଼ିବ ବୋଲି ଚର୍ଚ୍ଚା ହେଉଛି।
Powered by Froala Editor
