ପାକିସ୍ତାନ ଅଭିନେତାଙ୍କ ପ୍ରେମରେ ଉବୁଟୁବୁ ଅମିଷା, ପଢ଼ନ୍ତୁ ପୂରା ରିପୋର୍ଟ
ମୁମ୍ବାଇ: ପୁଣି ଥରେ ଚର୍ଚ୍ଚାରେ ବଲିଉଡ୍ ଅଭିନେତ୍ରୀ ଅମିଷା ପଟେଲ୍ । ଏଥର କିନ୍ତୁ ଫିଲ୍ମ ପାଇଁ ନୁହେଁ । ତାଙ୍କ ବ୍ୟକ୍ତିଗତ ଲାଇଫ୍କୁ ନେଇ । ନିକଟରେ ସେ ସୋସିଆଲ୍ ମିଡିଆରେ ପୋଷ୍ଟ କରିଥିବା ଏକ ରିଲ୍କୁ ନେଇ ଏବେ ହଇଚଇ ସୃଷ୍ଟି ହୋଇଛି । ତାଙ୍କ ଫ୍ୟାନ୍ମାନେ ଆଶ୍ଚର୍ଯ୍ୟଚକିତ ହୋଇଯାଇଛନ୍ତି । ଏହା ପଛର କାରଣ ବି ସେଭଳି । ଅମିଷା ବର୍ତ୍ତମାନ ଜଣେ ପାକିସ୍ତାନୀ ଅଭିନେତାଙ୍କ ପ୍ରେମରେ ଉବୁଟୁବୁ ହେଉଛନ୍ତି । ଆଉ ସେହି ପାକିସ୍ତାନୀ ଅଭିନେତା ଜଣଙ୍କ ହେଲେ ଇମ୍ରାନ ଅଦ୍ଦାସ ।
ଅନେକ ସମୟରେ ଅମିଷା ସୋସିଆଲ୍ ମିଡିଆରେ ବୋଲ୍ଡ ସିନ୍ର ଫଟୋ କିମ୍ବା ଭିଡିଓ ଛାଡ଼ନ୍ତି । ଏଥିପାଇଁ ସେ ସବୁବେଳେ ଦର୍ଶକଙ୍କ ନିଆରା ପସନ୍ଦ ପାଲଟନ୍ତି । ଏମିତିକି ଯଦି କିଛିଦିନ ଫଟୋ ଅପଲୋଡ୍ ନକରନ୍ତି ତେବେ ତାଙ୍କ ଫ୍ୟାନ୍ମାନେ ପାଗଳ ହୋଇଯାଆନ୍ତି । ଏବେ କିନ୍ତୁ ହଠାତ୍ ଜଣେ ପାକିସ୍ତାନୀ ଅଭିନେତାଙ୍କ ସହ ରିଲ୍ସ ପୋଷ୍ଟ କରିବାକୁ ଦର୍ଶକ ସହଜରେ ଗ୍ରହଣ କରିପାରୁ ନାହାନ୍ତି । ଅନେକ ଏହାକୁ ନାପସନ୍ଦ କରିବା ସହିତ ଭିନ୍ନ ଭିନ୍ନ କମେଣ୍ଟ ଦେଉଛନ୍ତି ।
ଇନଷ୍ଟାଗ୍ରାମରେ ସେୟାର ହୋଇଥିବା ଏହି ଭିଡିଓରେ ଅମିଷା ଇମ୍ରାନ ଅବ୍ବାସଙ୍କ ସହ ଏକ ରୋମାଣ୍ଟିକ ଶୈଳୀରେ ଦେଖିବାକୁ ମିଳିଛନ୍ତି । ଏହି ଭିଡିଓରେ ସେ ୧୯୮୧ ମସିହାରେ ମୁକ୍ତିଲାଭ କରିଥିବା କ୍ରାନ୍ତି ଚଳଚ୍ଚିତ୍ରରୁ ‘ମୋହବତ୍ ୟେ ନେହିଁ ତୋ କୟା ହୈ’ ଗୀତରେ ଲିପସିଙ୍ଗ କରୁଥିବାର ନଜର ଆସିଛନ୍ତି । ଏହି ଭିଡିଓ ସେୟାର କରି ଅମିଷା କ୍ୟାପସନରେ ଲେଖିଛନ୍ତି, ମୋର ସୁପରଷ୍ଟାର ବନ୍ଧୁ ଇମ୍ରାନ ଅବ୍ବାସଙ୍କ ସହ ଗତ ସପ୍ତାହରେ ବାହାରିନରେ ମସ୍ତି … ମୋର ଏବଂ ବବି ଦେଓଲଙ୍କ ଚଳଚ୍ଚିତ୍ର କ୍ରାନ୍ତିର ଏହି ଗୀତ ମୋର ଏବଂ ଇମ୍ରାନଙ୍କ ପ୍ରିୟ ଗୀତ ମଧ୍ୟରୁ ଅନ୍ୟତମ ।
ଇମ୍ରାନ ଅଦ୍ଦାସ ପୂର୍ବରୁ ଅନେକ ଯୁବତୀ ଓ ଅଭିନେତ୍ରୀଙ୍କ ସହ ରିଲେସନସିପ୍ରେ ଜଡିତ । ନିକଟରେ ସେ ଚତୁର୍ଥ ବିବାହ କରିଥିଲେ । ଯାହାକୁ ନେଇ ବେଶ୍ ସମାଲୋଚିତ ହୋଇଥିଲେ । ଏବେ ଅମିଷାଙ୍କ ସହ ସମ୍ପର୍କକୁ ବହୁ ଭାରତୀୟ ଦର୍ଶକ ଭିନ୍ନ ଦୃଷ୍ଟିରେ ଦେଖୁଛନ୍ତି ।
ସେପଟେ ଅମିଷା ଏବେ ନୂଆ ପ୍ରୋଜେକ୍ଟରେ ବ୍ୟସ୍ତ ଥିବା ଜଣାପଡ଼ିଛି । ୧୫ ଜୁନ୍ ୨୦୦୧ରେ ରିଲିଜ୍ ହୋଇଥିବା ଗଦର ସିକ୍ୱେଲ୍ ବର୍ତ୍ତମାନ ପ୍ରସ୍ତୁତ ହେଉଛି । ଆଉ ଏଥିରେ ପୁଣି ଥରେ ସନ୍ନି ଦେଓଲଙ୍କ ସହ ଅମିଷାଙ୍କୁ ଦେଖିବାକୁ ମିଳିବ । ଯାହାକୁ ନେଇ ତାଙ୍କ ଫ୍ୟାନ୍ମାନେ ବେଶ୍ ଉତ୍ସାହିତ ଥିବା ଜଣାପଡ଼ିଛି । ଫିଲ୍ମର ସୁଟିଂ ଆରମ୍ଭ ହୋଇଥିବା ସୂଚନା ମିଳିଛି ।
Powered by Froala Editor
