ଆସୁଛନ୍ତି ‘ବବ୍ଲି ବାଉନ୍ସର୍’
ବାଉନ୍ସର ଦମ୍ଦାର ଭୂମିକାରେ ଆସୁଛନ୍ତି ତମନ୍ନା ଭାଟିୟା । ମଧୁର ଭଣ୍ଡାରକରଙ୍କ ନିର୍ଦ୍ଦେଶିତ ‘ବବ୍ଲି ବାଉନ୍ସର୍’ ଏକ ମଜାଦାର ପାରିବାରିକ ମନୋରଞ୍ଜନ ଧର୍ମୀ ଫିଲ୍ମ ବୋଲି ଏହାର ନିର୍ମାତା କହୁଛନ୍ତି । ଏଥିରେ ଲେଡି ବାଉନ୍ସର୍ ଭାବେ ପରଦାକୁ ଓହ୍ଲାଇଛନ୍ତି ତମନ୍ନା । ଏଭଳି ଏକ ଅଜବ ଚରିତ୍ରକୁ ନେଇ ତମନ୍ନା ଏବେ ଚର୍ଚ୍ଚାରେ ।
ଷ୍ଟାର୍ ଷ୍ଟୁଡିଓଜ୍ ଓ ଜଙ୍ଗ୍ଲୀ ପିକ୍ଚର୍ସ ଦ୍ରାରା ପ୍ରୟୋଜିତ ‘ବବ୍ଲି ବାଉନ୍ସର୍’ ଆସନ୍ତା ୨୩ ତାରିଖରେ ଡିଜ୍ନୀ ପ୍ଲସ ହଟ୍ଷ୍ଟାର୍ରେ ହିନ୍ଦୀ, ତାମିଲ ଓ ତେଲୁଗୁରେ ମୁକ୍ତିଲାଭ କରିବ ।
‘ବବ୍ଲି ବାଉନ୍ସର୍’ରେ ତମନ୍ନାଙ୍କ ସହ ମୁଖ୍ୟ ଭୂମିକାରେ ଅଛନ୍ତି ସୌରଭ ଶୁକ୍ଲା, ଅଭିଷେକ ବଜାଜ ଓ ସାହିଲ ଭେଜ୍ । ଫିଲ୍ମମେକର୍ ଗତକାଲି ଏହାର ଦୁଇ ମିନିଟ୍ର ଏକ ଟ୍ରେଲର୍ ଜାରି କରିଛନ୍ତି । ତମନ୍ନାଙ୍କ ବବ୍ଲି ଚରିତ୍ରକୁ ଫତେପୁର ବେରି ବାସିନ୍ଦା ବୋଲି ଦର୍ଶାଯାଇଛି । ଟ୍ରେଲର୍ରେ ସୌରଭ ଶୁକ୍ଲାଙ୍କ ସ୍ୱର ଶୁଣିବାକୁ ମିଳିଛି, ଯେଉଁଥିରେ ସେ କହିଛନ୍ତି ‘ବାଉନ୍ସର୍ଙ୍କ ଗାଁ’ । ଫିଲ୍ମରେ ଏହି ପୁରୁଷ ବାଉନ୍ସର୍ଙ୍କ ଗାଁରେ ବବ୍ଲି ଲିଙ୍ଗଗତ ପ୍ରାଚୀରକୁ ଭାଙ୍ଗିଛନ୍ତି । ସେ ଏକ୍ଦମ ଗୋଲ ରୁଟି କରିପାରନ୍ତି । ସେତିକି ସହଜରେ ଜିମ୍ରେ ସର୍ବାଧିକ ଓଜନ ମଧ୍ୟ ଉଠାଇ ପାରନ୍ତି । ତେବେ ଏକ କ୍ଲବ୍ରେ ଜଣେ ଲେଡି ବାଉନ୍ସର୍ ଚାକିରି ପାଇବା ପରେ ତାଙ୍କ ଜୀବନରେ ପରିବର୍ତ୍ତନ ଆସିଛି ।
Powered by Froala Editor
