ଭୁବନେଶ୍ୱର: ଆଜି ସ୍ୱାୟତ୍ତ ଶାସନ ଦିବସ । ବିଭିନ୍ନ ମହାନଗର ନିଗମ, ପୌରାଞ୍ଚଳ ଓ ବିଜ୍ଞାପିତ ଅଞ୍ଚଳ ପରିଷଦରେ ପାଳନ ହେବ ସ୍ୱାୟତ୍ତ ଶାସନ ଦିବସ। ବିଭିନ୍ନ କାର୍ୟ୍ୟାଳୟରେ ପତକା ଉତ୍ତୋଳନ କରିବା ସହ ଲୋକଙ୍କ ସେବା କରିବା ଦିଗରେ ଅଧିକ ସକ୍ରୀୟ ଭୂମିକା ନେବାକୁ କର୍ମଚାରୀଙ୍କୁ ପରାମର୍ଶ ଦିଆଯିବ। ୩ବର୍ଷ ପରେ ନିର୍ବାଚିତ ଜନ ପ୍ରତିନିଧିଙ୍କ ଦ୍ୱାରା ବିଏମସି ପାଳିବ ସ୍ୱାୟତ୍ତ ଶାସନ ଦିବସ।

୪ଦିନ ଧରି ଆୟୋଜିତ ହେବ ସ୍ୱାୟତ୍ତ ଶାସନ ଦିବସ । ଆଜି ପ୍ରଥମ ଦିନରେ ବିଏମସି ମୁଖ୍ୟ କାର୍ୟ୍ୟାଳୟ ପରିସରରେ ପତାକା ଉତ୍ତୋଳନ ପରେ ଚିକିତ୍ସାଳୟରେ ଓ ଆଶ୍ରୟ ସ୍ଥଳରେ ଫଳ ବଣ୍ଟନ କରାଯିବ। ସନ୍ଧ୍ୟାରେ ଆୟୋଜିତ ଉତ୍ସବରେ ଗୃହ ନିର୍ମାଣ ଓ ନଗର ଉନ୍ନୟନ ବିଭାଗ ମନ୍ତ୍ରୀ ଉଷା ଦେବୀଙ୍କ ସମେତ ଭୁବନେଶ୍ୱରର ସମସ୍ତ ୩ଜଣ ବିଧାୟକ ଯୋଗ ଦେବାର କାର୍ୟ୍ୟକ୍ରମ ରହିଛି।

ଆସନ୍ତାକାଲି ଓ ୨ତାରିଖରେ ବିଭିନ୍ନ ୱାର୍ଡରେ ପ୍ରାୟ ୪୦ରୁ ଅଧିକ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କାର୍ୟ୍ୟକ୍ରମ ରହିଛି। ସ୍ୱାୟତ୍ତ ଶାସନ ଦିବସ ଅବସରରେ ଏହି ପ୍ରକଳ୍ପ ଜରିଆରେ ରାଜଧାନୀବାସୀଙ୍କୁ ବିଏମସି ଭେଟି ଦେବାକୁ ଯୋଜନା ରଖିଛି । କାର୍ୟ୍ୟକ୍ରମରେ ୪ଜଣ ମନ୍ତ୍ରୀ ଓ ୩ଜଣ ବିଧାୟକ ସାମିଲ ହେବେ । ଏହାସହ ମେଗା ରକ୍ତଦାନ ଶିବିରର ଆୟୋଜନ ସହ ଏକ ହଜାର ୟୁନିଟ ରକ୍ତ ସଂଗ୍ରହ କରାଯିବାକୁ ଲକ୍ଷ୍ୟ ରଖାଯାଇଛି । ବିଏମସି ପକ୍ଷରୁ କର୍ମଚାରୀ ଓ କର୍ପୋରେଟରଙ୍କ ମଧ୍ୟରେ ଆୟୋଜିତ ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯିବ ।

Powered by Froala Editor