ନୋଏଡା : ମାଟିରେ ମିଶିଲା ନୋଏଡା ସେକ୍ଟରରେ ଥିବା ବିଶାଳକାୟ ଟ୍ୱିନ୍ ଟାୱାର । ୩୭୦୦ କିଲୋଗ୍ରାମ ବିସ୍ଫୋଟକ ବ୍ୟବହାର କରି ଏହି ଟାୱାରକୁ ଧ୍ୱଂସ କରିଛି ନୋଏଡା ପ୍ରଶାସନ  । ଏହି ଟାୱାରକୁ ଧ୍ୱଂସ କରିବାକୁ ୧୭.୫୫ କୋଟି ଟଙ୍କା ଖର୍ଚ୍ଚ କରାଯାଇଛି ବୋଲି ସୂଚନା ମିଳିଛି । ଏହି ଅର୍ଥ ଟାୱାର ନିର୍ମାଣକାରୀ ସଂସ୍ଥା ସୁପରଟେକ୍ ଠାରୁ ଆଦାୟ କରାଯିବ ବୋଲି କୁହାଯାଇଛି  । ଏହି ଦୁଇଟି ଟାୱାର ମଧ୍ୟରେ ୯୫୦ଟି ଫ୍ଲାଟ ଥିବା ବେଳେ ଏହାକୁ ନିର୍ମାଣ କରିବାକୁ ସୁପରଟେକ୍ କମ୍ପାନୀ ୨୦୦ ରୁ ୩୦୦ କୋଟି ଟଙ୍କା ଖର୍ଚ୍ଚ କରିଥିଲା  ।

ପ୍ରାଥମିକ ସୂଚନା ଅନୁସାରେ ଟ୍ୱିନ ଟାୱାର ଭଙ୍ଗାଯିବା ପରେ ସେଠାରେ ୫୫ ହଜାରରୁ ୮୦ ହଜାର ଟନ୍ ପର୍ଯ୍ୟନ୍ତ ଅଳିଆ ବାହାରିଛି  । ଏହାକୁ ସ୍ଥାନାନ୍ତର କିରବାକୁ ପ୍ରଶାସନକୁ ସର୍ବନିମ୍ନ ୩ ମାସ ଲାଗିବ  । ଏହି ବିସ୍ଫୋରଣ ବେଳେ କଂକ୍ରିଟରୁ ଯେଉଁ ଧୂଳି ଉଡିଛି ତାହା ଦ୍ୱାରା ସ୍ଥାନୀୟ ଅଂଚଳଳରେ ବାୟୁ ପ୍ରଦୂଷଣ ହୋଇଛି । ଏଥିରୁ ରକ୍ଷା ପାଇବାକୁ ନୋଇଡା ପ୍ରାଧିକରଣ ଦ୍ୱାରା ଅନେକ ବ୍ୟବସ୍ଥା କରାଯାଉଛି  ।୧୫ ଟି ଆଣ୍ଟି ସ୍ମଗ ଗନ, ୬ ମେକାନିକଲ ସ୍ୱିପିଂ ମେସିନ ଓ ୨୦୦ ସଫେଇ କର୍ମଚାରୀଙ୍କୁ ନିୟୋଜିତ କରାଯାଇଛି  । ହଠାତ ଅଳିଆ ଉଠାଇବାକୁ ୨୦ ଟି ଟ୍ରାକ୍ଟର ମଧ୍ୟ ନିୟୋଜିତ କରାଯାଇଛି  ।

Powered by Froala Editor