ଆଇଏସ୍ ଗିରଫ ଘଟଣା : ଖୋଳତାଡ଼ କରିବାକୁ ଋଷ ଯିବେ ଏନଆଇଏ ଓ ଆଇବି ଟିମ
ଭାରତରେ ବଡ଼ ଧରଣର ଆତ୍ମଘାତୀ ଆତଙ୍କବାଦୀ ଆକ୍ରମଣ ଯୋଜନା କରିଥିବା ଜଣେ ଆଇଏସ୍ ଆତଙ୍କବାଦୀ ଋଷରେ ଧରାପଡ଼ିଛି। ଏହି ଗିରଫ ଆଇଏସ୍ର ଭାରତ ଲିଙ୍କ ବିଷୟରେ ଅଧିକ ଖୋଳତାଡ଼ କରିବାକୁ ଜାତୀୟ ତଦନ୍ତକାରୀ ସଂସ୍ଥା(ଏନଆଇଏ), ଡୋମେଷ୍ଟିକ ଇଣ୍ଟରନାଲ ସିକ୍ୟୁରିଟି ଓ ଆଇବିର ଟିମ୍ ଋଷ ଯାଇପାରନ୍ତି। ଏହି ଷଡ଼ଯନ୍ତ୍ରରେ ଆଉ କେଉଁମାନେ ସବୁ ସାମିଲ ଅଛନ୍ତି, ସେକଥା ମଧ୍ୟ ଜାଣିବାକୁ ଚାହୁଁଛନ୍ତି ଭାରତ ସରକାର।
ତୁର୍କୀରେ ସଂପୃକ୍ତ ଆତଙ୍କବାଦୀ ଆତ୍ମଘାତୀ ଆକ୍ରମଣ ପାଇଁ ତାଲିମ ନେଇଥିଲା ଓ ଖୁବ୍ଶୀଘ୍ର ଭାରତ ଆସି ଜଣେ ରାଜନେତାଙ୍କୁ ହତ୍ୟା କରିବାକୁ ଯୋଜନା କରିଥିଲା। ଋଷର ସୁରକ୍ଷା ସଂସ୍ଥା ଏଫଏସବି ଏହାକୁ ପଣ୍ଡ କରିଦେଇଥିଲା । ଏବେ ଏଫଏସବି ଅଫିସରଙ୍କ ସମ୍ପୃକ୍ତ ଆତଙ୍କବାଦୀକୁ ଅଟକ ରଖିଥିବାବେଳେ ପଚରାଉଚୁରା ପାଇଁ କେନ୍ଦ୍ରୀୟ ଏଜେନ୍ସି ଋଷ ଯାଇପାରନ୍ତି ।
ସୂତ୍ର ଅନୁସାରେ, ଏନଆଇଏ ଓ ଆଇବି ଟିମ ରୁଷ ଗୁଇନ୍ଦା ସଂସ୍ଥା ଓ ଫେଡରାଲ ସିକ୍ୟୁରିଟି ସର୍ଭିସ ଅଧିକାରୀଙ୍କୁ ଭେଟିବେ। ଏହାପରେ ସେମାନେ ଆଇଏସ ଆତଙ୍କୀର ସମସ୍ତ ତଥ୍ୟ ହାସଲ କରି ତା’ର ଭାରତ ଲିଙ୍କ ସମ୍ପର୍କରେ ଖୋଳତାଡ଼ କରିବେ। ଏହାଦ୍ୱାରା ଆଇଏସ୍ ଭାରତରେ କାୟା ବିସ୍ତାର କରିଛି କି ନାହିଁ, ସେ ବିଷୟରେ ଜଣାପଡ଼ିବ।
ଋଷର ସର୍ବୋଚ୍ଚ ଗୁପ୍ତଚର ସଂସ୍ଥା ସୋମବାର କହିଥିଲା ଯେ ଏହି ବ୍ୟକ୍ତି ଜଣକ ମଧ୍ୟ ଏସୀୟ ଦେଶରୁ ଆସିଥିବାବେଳେ ଆତ୍ମଘାତୀ ଆକ୍ରମଣ ପାଇଁ ତାଲିମ ନେଇଛନ୍ତି। ଏଫଏସବି ସିଏସ୍ଓ ଉକ୍ତ ଆତ୍ମଘାତୀ ଆକ୍ରମଣକାରୀର ଏକ ଭିଡିଓ ପୋଷ୍ଟ୍ କରିଥିଲେ। ଏହି ଭିଡିଓରେ ସେ ଭାରତରେ ଆକ୍ରମଣ କରିବାପାଇଁ ଯୋଜନା କରିଥିବା ମାନିଥିଲା ।
Powered by Froala Editor
