ବିପଦ ସଂକେତ ଉପରେ ରାଜଘାଟ
ଭୁବନେଶ୍ୱର: ଆଜି ରାଜଘାଟରେ ପିକ୍ ଛୁଇଁବ ସୁବର୍ଣ୍ଣରେଖା । ଏବେ ବିପଦ ସଂକେତ ଉପର ପ୍ରବାହିତ ହେଉଛି ନଦୀ । ରାଜଘାଟରେ ବିପଦ ସଂକେତ ୧୦ ଦଶମିକ ୩୬ ମିଟର ଥିବା ବେଳେ ଏବେ ଜଳସ୍ତର ରହିଛି ୧୧ ଦଶମିକ ୩୬ ମିଟର । ଝାଡ଼ଖଣ୍ଡ ସହିତ ସମନ୍ୱୟ ରକ୍ଷା କରି ଜଳ ସମ୍ପଦ ବିଭାଗ ବନ୍ୟା ନିୟନ୍ତ୍ରଣକୁ ଗୁରୁତ୍ବ ଦିଆଯାଉଥିବା କହିଛନ୍ତି ଜଳ ସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ।
ଯାଜପୁର, ଭଦ୍ରକ, ମୟୂରଭଞ୍ଜ ଓ ବାଲେଶ୍ଵରରେ ବନ୍ୟାସ୍ଥିତି ଉପରେ ନଜର ରଖାଯାଇଛି । ଭୋଗରାଇ ଓ ବାଲିଆପାଳ ଅଞ୍ଚଳରେ ପାଣି ପଶିଛି । ବୈତରଣୀ ବିପଦ ସଂକେତ ଉପରେ ଥିଲେ ମଧ୍ୟ ଖସୁଛି ଜଳସ୍ତର । ଉଦ୍ଧାର କାର୍ୟ୍ୟରେ ୫ଟି ଏନଡିଆରଏଫ୍, ୪ଟି ଓଡ୍ରାଫ୍ ଟିମ୍ ସମେତ ଅଗ୍ନିଶମ ବାହିନୀ ମୁତୟନ କରାଯାଇଛି । ଆଜି ସନ୍ଧ୍ୟା ପର୍ୟ୍ୟନ୍ତ ସ୍ଥିତି ସଙ୍ଗୀନ ରହିବ । ପାଣି ଘେରରୁ ଲୋକଙ୍କୁ ଉଦ୍ଧାର ଓ ରିଲିଫ କାର୍ୟ୍ୟ ତଦାରଖ ପାଇଁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ମନ୍ତ୍ରୀ ପ୍ରତାପ ଦେବ ଜିଲ୍ଲା ଗସ୍ତ କରିଛନ୍ତି । ଏହାସହ ଜରୁରୀ ପରିସ୍ଥିତି ପରିଚାଳନା ପାଇଁ ବାଲେଶ୍ବର ଜିଲ୍ଲାପାଳଙ୍କୁ ସ୍ବତନ୍ତ୍ର ରିଲିଫ କମିଶନର କ୍ଷମତା ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ।
Powered by Froala Editor
