'ଲାଲ ସିଂ ଚଢ଼ା' ବକ୍ସ ଅଫିସରେ ଫ୍ଲପ !
ଆମୀର ଖାନଙ୍କ ଫିଲ୍ମ 'ଲାଲ ସିଂ ଚଢ଼ା' ବକ୍ସ ଅଫିସରେ ଫ୍ଲପ ବୋଲି ପ୍ରମାଣ ହେବାରେ ଲାଗିଛି। ଚତୁର୍ଥ ଦିନରେ ଆମୀର ଖାନଙ୍କ ଫିଲ୍ମ ୧୦କୋଟି ଟଙ୍କା ଆୟ କରିଛି। ଗତ ଗୁରୁବାର ଦିନ ମୁକ୍ତିଲାଭ କରିଥିବା 'ଲାଲ ସିଂ ଚଢ଼ା' ଚାରି ଦିନ ମଧ୍ୟରେ ମୋଟ ୩୭.୯୬ କୋଟି ରୋଜଗାର କରିଛି, ଯାହା ଅକ୍ଷୟ କୁମାରଙ୍କ ଫିଲ୍ମ 'ସମ୍ରାଟ ପୃଥ୍ବୀରାଜ'ର ଆୟଠାରୁ କମ୍ ଅଟେ। କାରଣ 'ସମ୍ରାଟ ପୃଥ୍ବୀରାଜ' ତିନି ଦିନ ମଧ୍ୟରେ ୩୯.୪୦ କୋଟି ଟଙ୍କା ଆୟ କରିଥିଲା।
କେବଳ ଏତିକି ନୁହେଁ, ଆମୀର ଖାନଙ୍କ ଫିଲ୍ମ 'ଲାଲ ସିଂ ଚଢ଼ା' ଚଳିତ ବର୍ଷ ରିଲିଜ ହୋଇଥିବା ବରୁଣ ଧୱନଙ୍କ 'ଜୁଗ୍ ଜୁଗ୍ ଜିଓ' ଏବଂ ଅକ୍ଷୟ କୁମାରଙ୍କ 'ବଚ୍ଚନ ପାଣ୍ଡେ' କୁ ମଧ୍ୟ ଟକ୍କର ଦେଇପାରିନାହିଁ। ପ୍ରଥମ ସପ୍ତାହ ଶେଷରେ 'ଜୁଗ୍ ଜୁଗ୍ ଜିଓ', 'ବଚ୍ଚନ ପାଣ୍ଡେ', 'ଶମଶେରା' ଏବଂ 'ସମ୍ରାଟ ପୃଥ୍ବୀରାଜ' ଯଥାକ୍ରମେ ୩୬.୯୩ କୋଟି, ୩୧.୭୫ କୋଟି, ୩୬.୧୭ କୋଟି ଏବଂ ୩୯.୪୦ କୋଟି ଟଙ୍କା ଆୟ କରିଥିଲା।
Powered by Froala Editor
