କୁହାଯାଏ ପ୍ରତିଦିନ ଗୋଟିଏ ଆପଲ ଖାଇବା ଦ୍ୱାରା ଡାକ୍ତରଙ୍କ ପାଖକୁ ଯିବାକୁ ପଡେ ନାହିଁ।  ଆପଲ୍ ଏପରି ଏକ ସୁପରଫୁଡ୍ ଯାହା ସ୍ୱାସ୍ଥ୍ୟ ପାଇଁ ଗୋଟିଏ କିମ୍ବା ଦୁଇଟି ନୁହେଁ ଅନେକ ଉପାୟରେ ଲାଭଦାୟକ। ଏଥିରେ ଭିଟାମିନ୍, ମିନେରାଲ୍ସ, ଫାଇବର ଏବଂ ଆଣ୍ଟିଅକ୍ସିଡାଣ୍ଟ ଥାଏ । କିନ୍ତୁ, ଆପଲ ଖାଇବା ସମୟରେ ଅନେକ ଥର ମନରେ ପ୍ରଶ୍ନ ଉଠେ, ଆପଲକୁ ଚୋପା ସହିତ ଖାଇବା ଉଚିତ୍ କି ଚୋପା ବାହାର କରି? ଆସନ୍ତୁ ଜାଣିବା ଏହି ବିଷୟରେ।

ବିଗତ କିଛି ଦଶନ୍ଧି ଧରି, ଆପଲର ବିକ୍ରୟ ବୃଦ୍ଧି ପାଇଁ, ଏହାକୁ ଅଧିକ ଚମକାଯାଉଛି। ଯେଉଁଥିରେ ୱାକ୍ସ ଏବଂ କେମିକାଲ୍ କ୍ଲିନର୍ ବ୍ୟବହାର କରାଯାଉଛି। ଏହା ବ୍ୟତୀତ କୀଟନାଶକ ମଧ୍ୟ ସିଧାସଳଖ ସ୍ପ୍ରେ କରାଯାଉଛି। ସମସ୍ତ ଆପଲକୁ ସଠିକ୍ ଭାବରେ ସଫା ନକରି, ସାଧା ପାଣିରେ ଧୁଆଯାଉଛି। ଏହିପରି କେମିକାଲ ଥିବା ଆପଲର ଚୋପା ପେଟରେ ପହଞ୍ଚୁଛି।

ଯଦି ଆପଣ କୀଟନାଶକ ଏବଂ ମହମ ସ୍ତର ସହିତ ଆପଲ୍ ଚୋପା ଖାଆନ୍ତି, ତେବେ ଚର୍ମ ଆଲର୍ଜି ହେବାର ସମ୍ଭାବନା ବହୁଗୁଣିତ ହୁଏ। କୁଣ୍ଡାଇ ହେବା କିମ୍ବା ନାଲି ଚିହ୍ନ ସମସ୍ୟା ମଧ୍ୟ ହୋଇପାରେ।

ଏହା ସ୍ପଷ୍ଟ ଯେ ଚୋପା ଛଡାଇ ଆପଲ୍ ଖାଇବାରେ ଅଧିକ ଲାଭ ଅଛି କାରଣ ଏହା କ୍ଷତିକାରକ ସ୍ତରକୁ ଦୂର କରିଥାଏ। କିନ୍ତୁ, ଯଦି ଆପଣ ଚୋପା ସହିତ ଖାଇବାକୁ ଚାହାଁନ୍ତି, ତେବେ ଆପଲକୁ ଉଷୁମ ପାଣିରେ ଧୋଇ ଖାଆନ୍ତୁ, ଯେପରି ମହମ ସ୍ତର ବାହାରି ଯିବ।

Powered by Froala Editor