ତାପସୀ ପନ୍ନୁ ତାଙ୍କ ଅଭିନୀତ ଫିଲ୍ମ 'ଦୋବାର'ର ରିଲିଜକୁ ନେଇ ପ୍ରସ୍ତୁତ ହୋଇଗଲେଣି । ଏଥିରେ ତାପସୀ ତାଙ୍କ ଦମଦାର ଅନ୍ଦାଜରେ ପୁଣିଥରେ ଦର୍ଶକଙ୍କ ଦିଲ୍ ଜିତିବେ ବୋଲି କୁହାଯାଉଛି । ଏପଟେ  ବହୁ ଚର୍ଚ୍ଚିତ ଶୋ' 'କଫି ୱିଥ କରନ'ରେ ନିଜ ନିଜ ଫିଲ୍ମର ପ୍ରମୋଶନ ପାଇଁ ଅଧିକାଂଶ ସେଲିବ୍ରିଟି ଏବେ ଏହି ଶୋ'କୁ ଆସୁଛନ୍ତି ।  କିନ୍ତୁ ତପସୀ ପନ୍ନୁ ତାଙ୍କ ଫିଲ୍ମ ପ୍ରମୋଶନ କରି ନାହାନ୍ତି । ତେବେ ଏହା ପଛର କାରଣ କ'ଣ ସେ ନେଇ ନିଜେ ଅଭିନେତ୍ରୀ ମୁହଁ ଖୋଲିଛନ୍ତି । ତାପସୀଙ୍କୁ ଶୋ' ପାଇଁ ନିମନ୍ତ୍ରଣ ମିଳି ନ ଥିବା ଜଣାପଡିଛି ।

ଅଭିନେତ୍ରୀ ଥଟ୍ଟା କରି କହିଛନ୍ତି ଯେ କରଣଙ୍କ ସହ ତାଙ୍କୁ କଫି ନିମନ୍ତ୍ରଣ କରିବା ପାଇଁ ତାଙ୍କ ସେକ୍ସ ଲାଇଫ୍ ସେତେ ମଜାଦାର ନୁହେଁ। ତେଣୁ ତାଙ୍କୁ ‘କଫି ୱିଥ୍‌ କରଣ’ କୁ କାହିଁକି ନିମନ୍ତ୍ରଣ କରାଯିବ। କହିବାକୁ ଗଲେ କଫି ୱିଥ୍ କରଣର ନୂଆ ସିଜନରେ ପ୍ରାୟତଃ ସେକ୍ସ ଲାଇଫ୍ ଉପରେ ହିଁ ଆଲୋଚନା ହେଉଛି । ୟୁଜର୍ସ କହୁଛନ୍ତି ତାପସୀ ସମ୍ପୂର୍ଣ୍ଣ ଭାବେ ସଠିକ୍ କଥା କହିଛନ୍ତି । ଦର୍ଶକଙ୍କ ଅଭିଯୋଗ ହେଲା ଏବେ କଫି ୱିଥ କରନ ଶୋ'ରେ ଅଧିକ ସେକ୍ସ ସମ୍ପର୍କରେ କଥା ହେଉଛି । ଯେମିତି ନିକଟରେ ଏହି ଶୋ'କୁ ଆସିଥିବା ଅଭିନେତ୍ରୀ କରିନା କପୁର ଖାଁଙ୍କୁ ତାଙ୍କ ପିଲା ହେବା ପରେ ସେକ୍ସ ଲାଇଫ୍ ସମ୍ପର୍କରେ ପ୍ରଶ୍ନ କରାଯାଇଥିଲା । ସେମିତି ଆଲିଆ ଭଟ୍ଟଙ୍କୁ ତାଙ୍କ ସୁହାଗରାତ ସମ୍ପର୍କରେ ପ୍ରଶ୍ନ କରାଯାଇଥିଲା । ବିଜୟ ଦେବରକୋଣ୍ଡାଙ୍କୁ ବି ତାଙ୍କ ସେକ୍ସ ଲାଇଫ ବିଷୟରେ ପ୍ରଶ୍ନ କରାଯାଇଥିଲା ଇତ୍ୟାଦି ।

‘ସାବାସ୍ ମିଠୁ’ରେ ତାପସୀ ପୂର୍ବତନ ଭାରତୀୟ କ୍ରିକେଟର ମିତାଲି ରାଜଙ୍କ ଭୁମିକାରେ ନଜର ଆସିଥିଲେ। ଏହି ଫିଲ୍ମରେ ତାଙ୍କର ଅଭିନୟ ପାଇଁ ତାଙ୍କୁ ବେଶ୍ ପ୍ରଶାଂସା କରାଯାଇଥିଲା। ଏବେ ସେ ପୁଣିଥରେ ଅନୁରାଗ କାଶ୍ୟପଙ୍କ ଦ୍ବାରା ନିର୍ଦ୍ଦେଶିତ ଫିଲ୍ମ ସହ ‘ଦୋବାରା’ରେ ନଜର ଆସିବେ। ଏହି ଚଳଚ୍ଚିତ୍ରଟି ଶୋଭା କପୁର ଏବଂ ଏକତା କପୁରଙ୍କ କଲ୍ଟ ମୁଭି ଦ୍ୱାରା ପ୍ରସ୍ତୁତ କରାଯାଇଛି। ଏହି ଫିଲ୍ମ ଅଗଷ୍ଟ ୧୯ ରେ ବକ୍ସ ଅଫିସରେ ମୁକ୍ତିଲାଭ କରିବ।

Powered by Froala Editor