ପ୍ରଥମଥର ନାଗାଙ୍କ ସହ ଫିଲ୍ମ କରିବେ ରଶ୍ମିକା
ସାଉଥ୍ ସୁପରଷ୍ଟାର ନାଗା ଚୈତନ୍ୟଙ୍କ ସହ ପ୍ରଥମଥର ନଜର ଆସିବେ ଚୁଲବୁଲି ନାୟିକା ରଶ୍ମିକା ମନ୍ଦାନା । ପାରାସୁରମ ପେଟଲାଙ୍କ ନିର୍ଦ୍ଦେଶିତ ଏକ ତେଲୁଗୁ ଫିଲ୍ମରେ ଦୁହେଁ ନଜର ଆସିବେ। ହେଲେ ଏହାକୁ ନେଇ ଏଯାଏ କୌଣସି ଅଫିସିଆଲ ଘୋଷଣା କରାଯାଇନାହିଁ। ଏହାରି ମଧ୍ୟରେ କୁହାଯାଉଛି କି, ନାଗା ବୋଧହୁଏ ତାଙ୍କ ବଲିଉଡ ଯାତ୍ରା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି। ନିକଟରେ ଅଭିନେତା କରଣ ଜୋହର ଏବଂ ସଞ୍ଜୟ ଲୀଲା ଭନସାଲୀଙ୍କ ସହ ସାକ୍ଷାତ କରି କିଛି ପ୍ରୋଜେକ୍ଟ ବିଷୟରେ ଆଲୋଚନା କରିଛନ୍ତି ବୋଲି ଚର୍ଚ୍ଚା ହେଉଥିଲା। ଏହାଛଡା ଅଭିନେତାଙ୍କୁ ଅନେକ ଅଫର ମିଳିଛି ବୋଲି ଜଣାପଡିଛି।
ନିକଟରେ ରିଲିଜ୍ ହେବାକୁ ଥିବା ବହୁ ପ୍ରତୀକ୍ଷିତ ଫିଲ୍ମ 'ଲାଲ୍ ସିଂ ଚଡ୍ଡା'ରେ ନାଗାଙ୍କୁ ଦେଖିବାକୁ ମିଳିବ। ବର୍ତ୍ତମାନ ସେ ଫିଲ୍ମ ପ୍ରମୋଶନରେ ଲାଗି ପଡିଛନ୍ତି। ତେବେ ଫିଲ୍ମର ଟ୍ରେଲର ଏବଂ ଗୀତ ରିଲିଜ୍ ହେବା ପରେ ଦର୍ଶକ ବହୁତ ପସନ୍ଦ କରିଛନ୍ତି।
Powered by Froala Editor
