ପୁଣି ସମରାଭ୍ୟାସର ଧମକ ଦେଲା ଚାଇନା
ଆମେରିକା ହାଉସ୍ ଅଫ୍ ରିପ୍ରେଜେଣ୍ଟେଟିଭ୍ ବାଚସ୍ପତି ନାନ୍ସି ପେଲୋସିଙ୍କ ଗସ୍ତକୁ ନେଇ ଆରମ୍ଭ ହୋଇଥିବା ଚୀନ୍- ତାଇଓ୍ୱାନ୍-ଆମେରିକା ବିବାଦ ଶାନ୍ତ ପଡ଼ିବାର ନାଁ ଧରୁନି । ଚାଇନା ରାଗରେ ନିଆଁବାଣ ହୋଇପଡିଛି। ତାଇୱାନକୁ ଲାଗିଥିବା ଷ୍ଟ୍ରେଟ୍ରେ ସମାରାଭ୍ୟାସ ଜାରି ରଖିଛି।
ଡ୍ରାଗନ କହିଛି, ବର୍ତ୍ତମାନ ୟେଲୋ ଏବଂ ବୋହାଇ ସମୁଦ୍ରରେ ମଧ୍ୟ ସାମରିକ କାର୍ଯ୍ୟ ଆରମ୍ଭ କରିବ। ଚୀନ୍ ସେନା ମିଡିଆନ୍ ଲାଇନର ପୂର୍ବ ପଟେ ନିୟମିତ ସମରାଭ୍ୟାସ କରିବ। ଅର୍ଥାତ୍ ତାଇଓ୍ୱାନ୍ ଷ୍ଟ୍ରେଟ୍ ଉପରେ ନିଜ ଦାଦାଗିରି ଦେଖାଇ ଚୀନ୍। ଏହାପୂର୍ବରୁ ଆଉ ଦୁଇଟି ସମୁଦ୍ରରେ ସମରାଭ୍ୟାସ ବିଷୟରେ ଡ୍ରାଗନ ପକ୍ଷରୁ ସୂଚନା ଦିଆଯାଇଛି।
ତାଇୱାନର ଆଖପାଖରେ ଚାଲିଥିବା ସମରାଭ୍ୟାସରେ ଚାଇନା ମଧ୍ୟ ଅନେକ ବାଲିଷ୍ଟିକ କ୍ଷେପଣାସ୍ତ୍ରର ପରୀକ୍ଷଣ କରିଥିଲା। ଏହି କ୍ଷେପଣାସ୍ତ୍ର ପରୀକ୍ଷଣ ତାଇୱାନର ରାଜଧାନୀ ତାଇପେଇ ଦେଇ ଯାଇଥିଲା। ତେଣେ ଏହି ମିଡିଆନ୍ ଲାଇନର ୨ ପଟେ ଉଭୟ ଦେଶର ପ୍ରାୟ ୧୦ଟି ଯୁଦ୍ଧପୋତ ସାମ୍ନାସାମ୍ନି ହୋଇ ଅଟକି ରହିଥିବା ସୂଚନା ମିଳିଛି।
Powered by Froala Editor