ଫିଲ୍ମ ଡାର୍ଲିଂସ୍କୁ ନେଇ ବିବାଦ, ଆଲିଆଙ୍କୁ ବୟକଟ୍ ଦାବି
ଆଲିଆଙ୍କ ଆଗାମୀ ଫିଲ୍ମ ଡାର୍ଲିଂସ୍କୁ ନେଇ ବିବାଦ ଉଠିଛି। ପୁରୁଷଙ୍କ ଉପରେ ହେଉଥିବା ଘରୋଇ ଅତ୍ୟାଚାର ବା ହିଂସାକୁ ନେଇ ମନୋରଞ୍ଜନ ରୂପେ ଦର୍ଶାଇ ନିର୍ମାଣ କରାଯାଇଛି ଫିଲ୍ମ ଡାର୍ଲିଂସ୍ । ଏହାକୁ ନେଇ ଏବେ ସୋସିଆଲ୍ ମିଡିଆରେ ବିବାଦ ଉଠିଛି। ସୋସିଆଲ୍ ମିଡିଆ ବ୍ୟବହାରକାରୀ ବୟକଟ୍ ଆଲିଆ ଭଟ୍ଟ ନାମରେ ଟ୍ରେଣ୍ଡ କରୁଛନ୍ତି । ଘରୋଇ ହିଂସାର ଶିକାର ହୋଇଥିବା ମହିଳା ହୁଅନ୍ତୁ ବା ପୁରୁଷ ଦୁହିଁଙ୍କ ପାଇଁ ଏହା ଏକ ସମ୍ୱେଦନଶୀଳ ମାମଲା । ଆଲିଆ ଏହି ଫିଲ୍ମରେ ଅଭିନୟ ଛଡ଼ା ଏହାର ପ୍ରଜୋଜକ ମଧ୍ୟ ରହିଛନ୍ତି । ତେଣୁ ଏପରି ଫିଲ୍ମ ପାଇଁ ତାଙ୍କୁ ହିଁ ଦାୟୀ କରାଯାଉଛି । ୫ ଅଗଷ୍ଟରେ ଆଲିଆ ଭଟ୍ଟ ଏବଂ ସେଫାଳି ଶାହଙ୍କ ଅଭିନୀତ ଏହି ଫିଲ୍ମ ମୁକ୍ତିଲାଭ କରିବ ।
ଗତ କିଛି ଦିନ ହେବା ଫିଲ୍ମ ଡାର୍ଲିଙ୍ଗସକୁ ନେଇ ଚର୍ଚ୍ଚା ଲାଗି ରହିଛି। ଫିଲ୍ମର ଟ୍ରେଲରକୁ ମଧ୍ୟ ଲୋକେ ଖୁବ ପସନ୍ଦ କରିଥିଲେ। ଫିଲ୍ମଟି ଓଟିଟି ପ୍ଲାଟଫର୍ମ ନେଟ୍ ଫ୍ଲିକ୍ସରେ ରିଲିଜ ହେବାକୁ ଯାଇଛି। କିନ୍ତୁ ଏହା ପୂର୍ବରୁ ସୋଶାଲ ମିଡିଆରେ ଏହି ଫିଲ୍ମକୁ ବିରୋଧ କରାଯାଇଛି।
Powered by Froala Editor
